ۆلاديمير زەلەنسكيي حاركوۆ وبلىسىنا جاساعان ساپارىندا ۋكراينا قاۋىپسىزدىك قىزمەتى وبلىستىق باسقارماسىنىڭ باسشىسى رومان ءدۋديندى قىزمەتىنەن بوساتتى.
زەلەنسكييدىڭ سوزىنشە، سوعىستىڭ العاشقى كۇنىنەن باستاپ دۋدين ءوزىنىڭ جەكە باسىن عانا ويلاعان. الايدا زەلەنسكيي دۋدين قانداي قاتەلىككە جول بەرگەنىن ناقتىلاپ ايتپادى.
ۋكراينا پرەزيدەنتى حاركوۆ وبلىسىنىڭ اسكەرى، پوليسيا قىزمەتكەرلەرى بىرلەسىپ جەڭىس ءۇشىن كۇرەسىپ جاتقانىن اتاپ ءوتىپ، دەسە دە ۋكراينا قاۋىپسىزدىك قىزمەتى وبلىستىق باسقارماسىنىڭ جۇمىسىنا كوڭىلى تولماعانىن جەتكىزدى.
– مەن وبلىسقا بارىپ، جاعدايدى تولىق قاداعالادىم. كەيىن قاۋىپسىزدىك قىزمەتى وبلىستىق باسقارماسىنىڭ باسشىسىن جەكە باسىنىڭ قامىن ويلاپ، جەتكىلىكتى دەڭگەيدە جۇمىس اتقارماعانى ءۇشىن جۇمىستان بوساتتىم. ناقتىسىن ءتارتىپ ساقشىلارى انىقتايتىن بولادى، – دەيدى زەلەنسكيي.
زەلەنسكيي سونىمەن قاتار ايماقتىڭ ۇشتەن ءبىر بولىگى ءقازىر رەسەيلىك اسكەردىڭ باقىلاۋىندا ەكەنىن ءمالىم ەتتى.
پىكىر قالدىرۋ