2022 جىلدىڭ 30 مامىر كۇنى «Bugin Association» قب ۇيىمداستىرۋىمەن تۇران ۋنيۆەرسيتەتىندە «BILIM ALL LIKE» ينتەلەكتۋالدى-زياتكەرلىك سايىسى ءوتتى.

جوباعا الماتى قالاسىنىڭ تۇران ۋنيۆەرسيتەتى، ءال-فارابي اتىنداعى قازاق ۇلتتىق ۋنيۆەرسيتەتى، اباي اتىنداعى قازاق ۇلتتىق پەداگوگيكالىق ۋنيۆەرسيتەتى، سۇلەيمان دەميرەل ۋنيۆەرسيتەتى،  قازاق ۇلتتىق قىزدار پەداگوگيكالىق ۋنيۆەرسيتەتى جانە ت.ب. ۋنيۆەرسيتەت ستۋدەنتتەرى قاتىستى.

جوباعا قاتىسقان بارلىق كومانداعا سەرتيفيكاتتار مەن «Daryn books» جوباسىنىڭ «Daryn» كىتاپتارى تابىستالدى. سونىمەن قاتار، جوبا بارىسىندا جۇلدەلى ورىن العان قاتىسۋشىلارعا اقشالاي سىيلىقتار تابىس ەتىلدى: 

ءال-فارابي اتىنداعى قازاق ۇلتتىق ۋنيۆەرسيتەتىنىڭ «الاش» توبى - ءى ورىن جانە 50 000 تەڭگە؛

قازاق ۇلتتىق قىزدار پەداگوگيكالىق ۋنيۆەرسيتەتىنىڭ «عىلىم stars» توبى - ءىى ورىن جانە 30 000 تەڭگە؛

الماتى تەحنولوگيالىق ۋنيۆەرسيتەتىنىڭ «عيبرات» توبى – ءىىى ورىن جانە 15 000 تەڭگە يەلەندى.

فينالدىق كەزەڭگە دەيىن وتكەن قازاق ۇلتتىق قىزدار پەداگوگيكالىق ۋنيۆەرسيتەتىنىڭ «تۇمار» توبىنا جانە قازاقستان-بريتان تەحنيكالىق ۋنيۆەرسيتەتىنىڭ «BasTimes» توبىنا ارنايى بايجان ادىلەت مىرزانىڭ قولداۋىمەن «Eleven» كاراوكەسىنە 10 000 تەڭگە اقشالاي سىيلىقتار بەرىلدى.

«BILIM ALL LIKE» ينتەلەكتۋالدى-زياتكەرلىك جوباسىن ءساتتى وتكىزۋگە اتسالىسىپ، قولداۋ بىلدىرگەنى ءۇشىن «تۇران» ۋنيۆەرسيتەتى باسشىلىعى جانە تۋلەكوۆا گۋلجان قاجىمۇراتقىزىنا، «كەرەمەت» كەڭسە زاتتارىنىڭ باسشىسى قاراتايەۆ اسلان ەربولۇلىنا العىس بىلدىرەمىز.

«Bugin Association» قوعامدىق بىرلەستىگى