5 ماۋسىمدا كونستيتۋسياعا وزگەرىستەر مەن تولىقتىرۋلاردى قابىلداۋ ماسەلەسى بويىنشا رەسپۋبليكالىق رەفەرەندۋم وتكىزىلەدى. ەرتەڭ، 4 ماۋسىمدا ساعات 00:00-دە رەفەرەندۋم الدىنداعى ۇگىت جۇرگىزۋ اياقتالادى. بۇل تۋرالى باس پروكۋراتۋرانىڭ باسپا ءسوز قىزمەتى حابارلادى. 

"ۇگىتكە، سونىڭ ىشىندە قوعامدىق پىكىرگە سۇراۋ سالۋ ناتيجەلەرىن نەمەسە رەفەرەندۋم ناتيجەلەرىنىڭ بولجامدارىن جاريالاۋعا رەفەرەندۋم وتكىزىلەتىن كۇننىڭ الدىنداعى كۇنى جانە رەفەرەندۋم وتكىزىلەتىن كۇنى، ياعني 4 جانە 5 ماۋسىمدا تىيىم سالىنادى (كونستيتۋسيالىق زاڭنىڭ 7-بابىنىڭ 4-تارماعى)"، دەپ حابارلادى باس پروكۋراتۋرا. 

بۇل كۇندەرى ۇگىت-ناسيحات جۇرگىزگەن ادامدار اكىمشىلىك كودەكستىڭ 102-بابى (سايلاۋ الدىنداعى ۇگiءتتى وعان تىيىم سالىنعان كەزەڭدە جۇرگiزۋ) بويىنشا جاۋاپقا تارتىلادى. وعان ساي، جەكە تۇلعالارعا 15، شاعىن كاسىپكەرلىك سۋبەكتىلەرىنە نەمەسە كوممەرسيالىق ەمەس ۇيىمدارعا 20، ورتا كاسىپكەرلىك سۋبەكتىلەرىنە 25، ءىرى كاسىپكەرلىك سۋبەكتىلەرىنە 35 ايلىق ەسەپتiك كورسەتكiش مولشەرiندە ايىپپۇل سالىنادى.