شىعىس قازاقستان وبلىسىندا پارتيالىق ەمەس باقىلاۋ ورتالىعى داۋىس بەرۋ پروسەسىن وبەكتيۆتى جانە جان-جاقتى باقىلاۋدى قامتاماسىز ەتتى. رەفەرەندۋم ۋچاسكەلەرىندە ەلەۋلى بۇزۋشىلىقتار تىركەلگەن جوق. باقىلاۋشىلاردىڭ بارلىق ەسكەرتۋلەرى دەرەۋ ەسكەرىلۋدە.

ماسەلەن، سەمەي قالاسىنداعى № 249 سايلاۋ ۋچاسكەسىندە سايلاۋ پروسەسى بارىسىندا ەكىنشى رەت داۋىس بەرۋ فاكتىسى انىقتالدى، سونىڭ سالدارىنان كوميسسيا ءتوراعاسى دەرەۋ تۇسىنىكتەمە بەردى جانە باقىلاۋشىلاردىڭ قاتىسۋىمەن ءبىر بيۋللەتەندى جويۋ تۋرالى حاتتاما جاسالدى. وعان سايلاۋشىلار تىزىمدەرى مەن e-gov دەرەكتەر بازاسى اراسىنداعى تەحنيكالىق سايكەسسىزدىك سەبەپ بولدى. جاس سايلاۋشىلار ليگاسىنىڭ باقىلاۋشىسى ءوزىنىڭ Instagram پاراقشاسىندا «ساۋ ۋچاسكەلىك كوميسسيا ءوزىن وسىلاي ۇستاۋى كەرەك: بۇزۋشىلىقتاردى تۇزەتىپ، باقىلاۋشىلارعا ولاردىڭ ارەكەتتەرى مەن دالەلدەرىن الىپ تاستاۋ ءۇشىن قىسىم جاساماۋ كەرەك» دەپ اتاپ ءوتتى.

وسىلايشا، ەسكەرتۋلەر نەمەسە سۇراقتار تۋىنداعان جاعدايدا ترك مۇشەلەرى دەرەۋ ارەكەت ەتەدى جانە داۋىس بەرۋ پروسەسىنىڭ وبەكتيۆتىلىگىن قامتاماسىز ەتە وتىرىپ، زاڭناماعا سايكەس قاتاڭ تۇردە ارەكەت ەتەدى.

جالپى، ق ر كونستيتۋسياسىنا وزگەرىستەر مەن تۇزەتۋلەر ەنگىزۋ بويىنشا رەفەرەندۋمدا داۋىس بەرۋ بارىسىندا بۇقارالىق بۇزۋشىلىقتار تۋرالى حابارلامالار تۇسكەن جوق.

بۇل تۋرالى شىعىس قازاقستان وبلىسىنداعى داۋىس بەرۋ ۋچاسكەلەرىندەگى رەفەرەندۋمنىڭ بارىسىن قاداعالايتىن كوميسسيا مۇشەلەرى ايتىپ وتىر. پروسەسس تىنىش جانە قولدانىستاعى زاڭناما تالاپتارىن ساقتاي وتىرىپ جۇزەگە اسىرىلادى. زاڭسىز جانە ارانداتۋشىلىق ارەكەتتەر جوق.

داۋىس بەرۋشىلەردىڭ كەلۋى، اۋا-رايىنىڭ قولايسىزدىعىنا قاراماستان، قالىپتى قارقىنمەن ءجۇرىپ جاتىر: تاڭەرتەڭگى ساعات 10-دا تىزىمگە ەنگىزىلگەن شىعىسقازاقستاندىقتاردىڭ جالپى سانىنىڭ 29،88%-ىى بيۋللەتەندەردى الدى. ورتالىق رەفەرەندۋم كوميسسياسىنىڭ مالىمەتى بويىنشا، ساعات 16.00-دە سايلاۋشىلاردىڭ 68،30 پايىزىن قۇرايتىن شەكتى كورسەتكىشكە قول جەتكىزىلدى.

شقو اقپارات ورتالىعى