الماتى وبلىسىنىڭ كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى سىبايلاس جەمقورلىق قىلمىسى ءۇشىن سوتتالدى، دەپ حابارلادى سىبايلاس جەمقورلىققا قارسى ءىس قيمىل اگەنتتىگى.
"تالدىقورعان قالالىق سوتىنىڭ ۇكىمىمەن الماتى وبلىسىنىڭ كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى تامەرلان رازبەكوۆ پەن "اسپمك-519" ج ش س باسشىلىعى سىبايلاس جەمقورلىق قىلمىسى ءۇشىن كىنالى دەپ تانىلدى" دەلىنگەن حابارلامادا.
تەرگەۋ جۇمىستارىنىڭ مالىمەتتەرىنە سۇيەنسەك، باسقارما باسشىسى 2021 جىلى ءجشس-نىڭ تەحنيكالىق ديرەكتورى مەن باس ديرەكتورىنان 96 ميلليون تەڭگەگە ورىندالعان جۇمىستىڭ اياقتالعانى تۋرالى اكتىگە قول قويۋعا كومەك كورسەتكەنى ءۇشىن 33 500 دوللار كولەمىندە پارا العان.
ج ش س باسشىلىعىنا قاتىستى 3 جىلعا باس بوستاندىعىن شەكتەۋ جازاسى قولدانىلعان. رازبەكوۆكە 100،2 ميلليون تەڭگە مولشەرىندە ايىپپۇل سالىندى، سونداي-اق ول، ءومىر بويىنا مەملەكەتتىك قىزمەتتە قىزمەت اتقارۋ قۇقىعىنان ايىرىلدى.
پىكىر قالدىرۋ