شىمكەنت قالاسىنىڭ ەكس-اكىمى عابيدوللا ءابدىراحىموۆقا قاتىستى قىلمىس ءىس قوزعالعان. اقپاراتتى الماتى قالالىق پوليسيا دەپارتامەنتى راستادى.
20 مامىردا Kozachkov offside Telegram-ارناسى ءابدىراحىموۆقا قاتىستى قىلمىستىق ءىس قوزعالعانىن جازعان بولاتىن.
الايدا ءجۋرناليستىڭ اقپاراتىن باس پروكۋراتۋرا تەرىسكە شىعارىپ، ەكس-اكىمگە قاتىستى رەيدەرلىك ارەكەت بويىنشا ءىس قوزعالماعانىن مالىمدەگەن. ءابدىراحىموۆتىڭ ۇستىنەن رەيدەرلىك ەمەس، الاياقتىق بويىنشا قىلمىستىق ءىس قوزعالعانى بەلگىلى بولدى
"19 مامىردا Forbes جۋرنالىنىڭ ەڭ تابىستى 50 بيزنەسمەن قاتارىنداعى كاسىپكەر سايدۋللا قوجابايەۆ قۇقىق قورعاۋ ورگاندارىنا جۇگىنىپ، ارىزدانعان. كاسىپكەر 5 ادام وزىنەن 2-3 ميلليون دوللار اقشا العانىن ءمالىم ەتكەن. اتالعان ادامداردىڭ ىشىندە كارىم ءماسىموۆ پەن عابيدوللا ءابدىراحىموۆ تا بار ەكەن. نەگىزى ولار 10 ميلليون دوللار سۇراپتى" دەپ جازدى جۋرناليستميحايل كوزاچكوۆ.
الماتى قالالىق پوليسيا دەپارتامەنتى قوجابايەۆتىڭ ارىزى بويىنشا قىلمىستىق ءىس قوزعالعانىن راستادى. قازىرگى كەزدە قىلمىستىق كودەكستىڭ 190-بابى، 4-بولىگى (الاياقتىق، اسا ءىرى مولشەردە) بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
"بۇل قىلمىس ءۇشىن 5 جىلدان 10 جىلعا دەيiنگi مەرزiمگە باس بوستاندىعىنان ايىرۋ جازاسى قاراستىرىلعان. بۇدان بولەك، مۇلكى تاركىلەنىپ، بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ءومىر بويىنا ايىرۋى مۇمكىن. باس پروكۋراتۋرا بۇل الاياقتىق بويىنشا قىلمىس بولعاندىقتان، العاشقىدا اقپاراتتى تەرىسكە شىعارعان بولار" دەلىنگەن ءجۋرناليستىڭ جازباسىندا.
پىكىر قالدىرۋ