سەنات سپيكەرى ماۋلەن اشىمبايەۆ كۇزدە پرەزيدەنت سايلاۋى ءوتۋى مۇمكىن دەگەن اقپاراتقا پىكىر ءبىلدىردى. بۇل تۋرالى informburo.kz سايدى جازدى.
– بۇل – وسەك، باسقا ەشتەڭە دە ەمەس، – دەگەن ول نازاردى ءقازىر سايلاۋعا ەمەس، رەفورمالارعا اۋدارۋ كەرەكتىگىن ايتتى.
سونداي-اق جۋرناليستەر سەنات سپيكەرىنەن ەكس-پرەزيدەنتتىڭ ستاتۋسى مەن ونىڭ يممۋنيتەتى تۋرالى زاڭعا وزگەرىس ەنە مە دەپ سۇرادى.
– مۇنداي ماسەلەلەر كونستيتۋسيا ارقىلى رەتتەلگەن. ەلباسى جانە ونىڭ وتباسى مۇشەلەرى تۋرالى نورمانى كونستيتۋسيادان الىپ تاستادىق. ەندى تۇڭعىش پرەزيدەنت تۋرالى زاڭ كۇشىن جويادى. ەندى سونى زاڭ تۇرعىسىنان راسىمدەۋىمىز كەرەك، – دەدى ول.
