سەنات ءتوراعاسى ماۋلەن اشىمبايەۆ ەكس-پرەزيدەنت ن.نازاربايەۆتىڭ ساياساتتاعى ءرولى تۋرالى سۇراققا جاۋاپ بەردى، دەپ جازدى Tengrinews.kz.

– نۇرسۇلتان نازاربايەۆ بۇگىندە ساياساتقا ارالاسىپ جاتقان جوق. ونى وزدەرىڭىز دە كورىپ وتىرسىزدار. ارينە، ۇلكەن جاعدايلار بولعاندا، مىسالى رەفەرەندۋم سياقتى شارالار وتكەن كەزدە ازامات رەتىندە، ساياساتكەر رەتىندە مىندەتتى تۇردە قاتىسادى. 

بارلىق ماسەلە زاڭدا قالاي كورسەتىلگەن، سول بويىنشا شەشىلىپ جاتىر. كونستيتۋسياعا بايلانىستى پرەزيدەنت قۇقىقتارى بار. ۇكىمەتتىڭ، سەناتتىڭ، ءماجىلىستىڭ قۇقىقتارى بار. ولاردىڭ ءبارىن زاڭ جۇزىندە جۇزەگە اسىرىپ جاتىرمىز. نۇرسۇلتان ءابىش ۇلى رەفەرەندۋم بولعان كەزدە قازاقستان ازاماتى رەتىندە ءوزىنىڭ داۋسىن بەردى. ول – ءاربىر ازاماتتىڭ قۇقىعى. ءبىراق ساياساتكەر رەتىندە، تۇڭعىش پرەزيدەنت رەتىندە قازاقستان ساياساتىنا ارالاسىپ وتىرعان جوق، – دەدى اشىمبايەۆ سەنات وتىرىسىندا.