قازاقستان رەسپۋبليكاسى ءبىلىم جانە عىلىم مينيسترلىگى ورتا ءبىلىم بەرۋ ۇيىمدارىنىڭ مىندەتتى مەكتەپ فورماسىنا قويىلاتىن تالاپتارعا تۇزەتۋلەر ازىرلەدى، دەپ حابارلادى ورتالىق كوممۋنيكاسيالار قىزمەتىنىڭ سايتى. قۇجات 22 ماۋسىمعا دەيىن قوعامدىق تالقىلاۋ ءۇشىن اشىق نقا پورتالىندا ورنالاستىرىلعان.

"تالاپتاردىڭ ماقساتى – جالپىعا مىندەتتى مەكتەپ فورماسىن قولدانۋدا ورتا ءبىلىم بەرۋ ۇيىمدارىنىڭ كوزقاراستارىنىڭ بىرلىگىن قامتاماسىز ەتۋ، اتا-انالاردىڭ مەكتەپ فورماسىنا وڭ كوزقاراسىن قالىپتاستىرۋ، ءبىلىم بەرۋ ۇيىمدارى مەن كەڭەستەر (مەكتەپ) باسشىلىعىنىڭ جاۋاپكەرشىلىگىن ارتتىرۋ. ەنگىزىلگەن تۇزەتۋلەرگە سايكەس، مەكتەپ فورماسى كۇندەلىكتى، كيىم-كەشەك جانە سپورتتىق بولىپ بولىنەدى، بۇل رەتتە ءدىني بىرلەستىكتىڭ كيىم ەلەمەنتتەرىن قوسۋعا جول بەرىلمەيدى، ويتكەنى ول ءبىلىم بەرۋدىڭ زايىرلى سيپاتىنا سايكەس كەلۋى كەرەك. ستيل مەن ءتۇس كلاسسيكالىق ستيلدە ءۇش تۇستەن ارتىق ەمەس ارالاستىرۋ بولجامىمەن ساقتالادى (قارسىلى جانە اشىق توندارسىز)" دەلىنگەن قۇجاتتا.

قىزدارعا ارنالعان مەكتەپ فورماسىنا پيدجاك، جيلەت، يۋبكا، شالبار، تۇيمەلەرى بار توقىلعان كارديگان، كلاسسيكالىق بلۋزكا (قىسقى كەزەڭ: توقىلعان جيلەت، سارافان، ۆودولازكا) كىرەدى. شالبار اياقتىڭ توبىعىن جاۋىپ تۇرۋعا ءتيىس. مەكتەپ فورماسىنىڭ ءتۇسىن، ءستيلىن جانە بەلدەمشەنىڭ ۇزىندىعىن تاڭداۋدى ورتا ءبىلىم بەرۋ ۇيىمى جانە جالپى مەكتەپتىك اتا-انالار جينالىسىنىڭ حاتتاماسىمەن بەكىتىلگەن كەڭەس (مەكتەپ كەڭەسى، قامقورشىلىق كەڭەسى، اتا-انالار كوميتەتى) انىقتايدى.

"وبلىستىق، رەسپۋبليكالىق ماڭىزى بار قالانىڭ، استانانىڭ، اۋداننىڭ (وبلىستىق ماڭىزى بار قالانىڭ) ءبىلىم بەرۋ ورگاندارى اتا-انالارعا مەكتەپ فورماسىن وتاندىق وندىرۋشىلەردەن ساتىپ الۋدى ۇسىنادى. جەكە مەكتەپ فورماسىن وندىرۋشىلەرگە ارتىقشىلىق ەتۋگە جول بەرىلمەيدى. اتا-انالار كيىم ۇلگىسىن تاڭداۋدا، ءوندىرۋشى جانە مەكتەپ فورماسىن ساتىپ الۋ كەزىندە تاۋەلسىز" دەلىنگەن تۇزەتۋلەردە.

بۇعان دەيىن ءبىلىم جانە عىلىم ءمينيسترى اسحات ايماعامبەتوۆتىڭ مەكتەپتە ورامال تاعۋعا رۇحسات بەرۋ ماسەلەسى بايلانىستى ايتقان پىكىرى قوعامدا قىزۋ تالقى، كوپتەگەن ازاماتتاردىڭ نارازىلىعىن تۋدىرعان.

مينيستر قازاقستان زايىرلى مەملەكەت ەكەنىن، مەكتەپ فورماسىنا بايلانىستى ارنايى بۇيرىق بارىن ايتىپ، الايدا كەز كەلگەن توپتىڭ ءبىلىم الۋىن ماڭىزدى دەپ سانايتىنىن اتاپ ءوتتى.

– ورامال تاعا المايتىنىنا بايلانىستى اتا-انالارى مەكتەپكە جىبەرمەيتىن قىزدار قاشىقتان وقۋعا ءماجبۇر. ال مۇنىڭ تەرىس اسەرى بولادى. ءبىز ينكليۋزيۆتى قوعام قۇرۋعا ءتيىسپىز. سوندىقتان بۇل – نازار اۋدارۋعا تۇرارلىق ماسەلە، – دەگەن مينيستر.