ادىلەت ۆيسە-مينيسترى الما مۇقانوۆا ورتالىق كوممۋنيكاسيالار قىزمەتىندە "ەكىنشى رەسپۋبليكا. جاڭا ساياسي مودەلگە كوشۋ" تاقىرىبىمەن وتكەن بريفينگتە 5 ماۋسىم كۇنگى رەفەرەندۋم ارقىلى قابىلدانعان زاڭدىق نورمالاردىڭ كۇشىنە ەنۋ بارىسى تۋرالى ايتتى.
الما مۇقانوۆا رەفەرەندۋمعا شىعارىلعان كونستيتۋسيالىق وزگەرىستەر قابىلدانعانىن اتاپ ءوتتى.
كونستيتۋسياعا ەنگىزىلەتىن نورمالاردىڭ ءبىرى پارلامەنتتى قۇرىلىمداۋعا بايلانىستى بولعان. ەل اراسىندا رەفەرەندۋم وتكەن سوڭ ۇزاماي VIءى شاقىرىلىمداعى پارلامەنت تاراپ، جاڭا سايلاۋ وتەتىنى تۋرالى اڭگىمە جەلدەي ەسكەن. الايدا الما مۇقانوۆا پارلامەنتتى تاراتۋ ماسەلەسى كۇن تارتىبىندە تۇرماعانىن، جاڭا نورمالار VIءىى شاقىرىلىمداعى پارلامەنتتى جاساقتاۋ كەزىندە ارەكەت ەتەتىنىن ايتتى.
– كونستيتۋسياعا ەنگىزىلگەن وزگەرىستەر VIءىى شاقىرىلىمداعى پارلامەنت ءماجىلىسى دەپۋتاتتارىن سايلاۋدان باستاپ قولدانىلاتىن بولادى. جۇمىس ىستەپ جاتقان VIءى شاقىرىلىم 2026 جىلدىڭ ءى جارتىجىلدىعىنىڭ سوڭىنا دەيىن ءوز قىزمەتىن جالعاستىرادى. ءقازىر VIءى شاقىرىلىمدى تاراتۋ بويىنشا سۇراق قويىلىپ وتىرعان جوق، – دەدى ۆيسە-مينيستر.
پىكىر قالدىرۋ