كونستيتۋسياعا ەنگىزىلەتىن وزگەرىستەر قابىلدانعاندىقتان، تۇڭعىش پرەزيدەنت تۋرالى زاڭ كۇشىن جويىپ، ەكس-پرەزيدەنتتىڭ تۋىستارىن قىلمىستىق جاۋاپكەرشىلىككە تارتۋعا زاڭ تۇرعىسىنان جول اشىلماق. بۇل تۋرالى ورتالىق كوممۋنيكاسيالار قىزمەتىندەگى بريفينگ بارىسىندا ءمالىم بولدى.
الايدا نۇرسۇلتان نازاربايەۆ ەكس-پرەزيدەنت رەتىندە ءالى دە زاڭمەن قورعالعان. ادىلەت ۆيسە-مينيسترى الما مۇقانوۆانىڭ سوزىنشە، پرەزيدەنت تۋرالى كونستيتۋسيالىق زاڭنىڭ 36-بابىنا ساي، ەكس-پرەزيدەنتتەر ءوزىنىڭ پرەزيدەنتتىك مەرزىمى كەزىندە قابىلداعان شەشىمدەرى ءۇشىن قىلمىستىق جاۋاپكەرشىلىككە تارتىلمايدى.
ەكس-پرەزيدەنتتەر تەك وتانعا وپاسىزدىق جاسادى دەپ كۇدىككە ىلىنسە عانا، سوتتالۋى مۇمكىن.
الما مۇقانوۆا جۋرناليستەردىڭ ەكس-پرەزيدەنتتەر مەرزىمى كەزىندە قىزمەتىن اسىرا پايدالانعان، جەمقورلىقپەن اينالىسقان بولسا، قالاي بولادى دەگەن ساۋالىنا قۇزىرلى ورگانداردان ناقتى اقپاراتتى الىپ بارىپ جاۋاپ بەرۋ كەرەك دەدى.
پىكىر قالدىرۋ