"ستەلس-وميكرون" شتامى قازاقستاننىڭ 12 وڭىرىندە انىقتالدى، دەپ حابارلادى دەنساۋلىق ساقتاۋ مينيسترلىگى. 

"ءساۋىر-مامىر ايلارىندا جۇرگىزىلگەن پتر سكرينينگىنىڭ ناتيجەلەرى بويىنشا كوروناۆيرۋس ينفەكسياسىنىڭ ءارتۇرلى شتامدارىنىڭ اينالىمى انىقتالعان. بارلىق وڭىرلەردە BA.1 "وميكرون" شتامى – 98،6%، ونىڭ ىشىندە 12 وڭىردە BA.2 "ستەلس-وميكرون" – 36،7%، B.1.617-Delta – 1،4% انىقتالدى.

پتر سكرينينگىنىڭ ناتيجەلەرىن راستاۋ ءۇشىن تولىق گەنومدى سەكۆەنيرلەۋ جۇرگىزىلدى. جۇرگىزىلگەن تولىق گەنومدى سەكۆەنيرلەۋ ناتيجەسى بويىنشا BA.2 "ستەلس-وميكرون" شتامىنىڭ – 93،8% (اقتوبە، الماتى، اتىراۋ، شىعىس قازاقستان، قىزىلوردا، قوستاناي، قاراعاندى، ماڭعىستاۋ، پاۆلودار، سولتۇستىك قازاقستان وبلىستارى، الماتى جانە نۇر-سۇلتان قالالارى)، BA.1 "وميكرون" شتامىنىڭ – 6،2% (اتىراۋ، قىزىلوردا، قاراعاندى وبلىستارى، الماتى جانە نۇر-سۇلتان قالالارى) اينالىمى انىقتالدى" دەلىنگەن حابارلامادا. 

ەپيدەميولوگيالىق جاعدايدىڭ تۇراقتالۋىنا قاراماستان، مينيسترلىك كوروناۆيرۋس ينفەكسياسىنا قارسى ۋاقتىلى ۆاكسيناسيادان، ريەۆاكسيناسيادان وتۋگە كەڭەس بەرەدى.