ءبىلىم جانە عىلىم مينيسترلىگى فۋنكسيالار مەن وكىلەتتىگى بويىنشا ەكىگە ءبولىنىپ، قازاقستاندا جاڭا مينيسترلىك پايدا بولدى.

مەكتەپكە دەيىنگى، ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ، قوسىمشا ءبىلىم بەرۋ، بالالاردىڭ قۇقىقتارىن قورعاۋ، مەكتەپكە دەيىنگى، ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ سالاسىنداعى ساپانى قامتاماسىز ەتۋ، مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋدى سيفرلاندىرۋ سالاسىنداعى فۋنكسيالار مەن وكىلەتتىكتەر شوعىرلانىپ، وقۋ-اعارتۋ مينيسترلىگى قۇرىلدى.

ۆەدومستۆونى بۇرىنعى ءبىلىم جانە عىلىم ءمينيسترى اسحات ايماعامبەتوۆ باسقارادى.

ال جوعارى جانە جوعارى وقۋ ورنىنان كەيىنگى ءبىلىم بەرۋ، ءتىل ساياساتى، عىلىم، جوعارى جانە جوعارى وقۋ ورنىنان كەيىنگى ءبىلىم بەرۋ مەن عىلىم سالاسىنداعى ساپانى قامتاماسىز ەتۋ، جوعارى جانە جوعارى وقۋ ورنىنان كەيىنگى ءبىلىم بەرۋدى سيفرلاندىرۋ سالاسىنداعى فۋنكسيالار مەن وكىلەتتىكتەر جيناقتالىپ، عىلىم جانە جوعارى ءبىلىم مينيسترلىگى قۇرىلدى.

جاڭا مينيسترلىكتى اقپان ايىندا عانا ءماجىلىس دەپۋتاتى اتانعان ساياسات نۇربەك باسقارادى.

ساياسات نۇربەك 1981 جىلى 18 مامىردا سەمەي قالاسىندا دۇنيەگە كەلگەن. مارشاللتاۋن كوللەدجىن (اقش) ساياساتتانۋ ماماندىعى بويىنشا، ل.م.گۋميليەۆ اتىنداعى ۋنيۆەرسيتەتتى "حالىقارالىق قۇقىق" ماماندىعى بويىنشا، لا ساپيەنسا (يتاليا) ۋنيۆەرسيتەتىن گەوپوليتيكا مامانىعى، "كوكشە" اكادەمياسىن پسيحولوگيا ماماندىعى بويىنشا بىتىرگەن.

اقش، سينگاپۋر، بەلگيا، جاپونيا، گوللانديادا تاعىلىمدامادان جانە بىلىكتىلىكتى ارتتىرۋ كۋرستارىنان وتكەن.

ءار جىلدارى "قازىنا" تۇراقتى دامۋ قورى" اق ينۆەستيسيالىق جوبالار سالاسىندا، پرەزيدەنت اكىمشىلىگىندە سامۇرىق-قازىنا" ۇلتتىق ءال-اۋقات قورىندا، مەملەكەتتىك ساياساتتىڭ ۇلتتىق مەكتەبىندە، ءبىلىم جانە عىلىم مينيسترلىگى حالىقارالىق باعدارلامالار ورتالىعىندا "نۇر وتان" پارتياسىنىڭ قوعامدىق ساياسات ينستيتۋتىندا،  الماتى قالاسى اكىمدىگى ىشكى ساياسات باسقارماسىندا، استانا حالىقارالىق قارجى ورتالىعىندا، BTS Education كومپانياسىندا باسشىلىق قىزمەتتەر اتقارعان.