بۇگىن اباي، جەتىسۋ جانە ۇلىتاۋ وبلىستارىنىڭ اكىمدەرى تاعايىندالدى، دەپ حابارلادى اقوردا سايتى.

اباي وبلىسىن نۇرلان تەلمان ۇلى ۇرانحانوۆ، جەتىسۋ وبلىسىن بەيبىت وكسىكباي ۇلى يسابايەۆ، ال ۇلىتاۋ وبلىسىن بەرىك ءابدىعالي ۇلى باسقاراتىن بولادى.  

ءتيىستى جارلىققا پرەزيدەنت قول قويدى. 

جەتىسۋ وبلىسىنىڭ اكىمى بەيبىت يسابايەۆ 1962 جىلى 4 جەلتوقساندا دۇنيەگە كەلگەن. ول بۇعان دەيىن پارلامەنت سەناتىنىڭ دەپۋتاتى بولعان.

اباي وبلىسىنىڭ اكىمى نۇرلان ۇرانحايەۆ بۇعان دەيىن نۇر-سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ باسشىسى بولدى. ول 1965 جىلى سەمەي قالاسىندا دۇنيەگە كەلگەن.

ۇلىتاۋ وبلىسىنىڭ اكىمى بەرىك ءابدىعالي ۇلىنىڭ سوڭعى قىزمەتى – ءماجىلىس دەپۋتاتى. ول 10 كىتاپتىڭ جانە قازاقستاندىق جانە شەتەلدىك عىلىمي باسىلىمدارداعى 100-دەن استام عىلىمي جاريالانىمداردىڭ اۆتورى.