شىعىس قازاقستان وبلىسىنىڭ بالالارى ءۇشىن جازعى ساۋىقتىرۋ دەمالىسىن ۇيىمداستىرۋ تۋرالى ءوڭىرلىك كوممۋنيكاسيالار قىزمەتىنىڭ بريفينگىندە ءبىلىم باسقارماسىنىڭ باسشىسى سايرانگۇل ءجۇمادىلوۆا ايتىپ بەردى. جازعى كەزەڭدە بالالار مەن جاسوسپىرىمدەردىڭ تولىققاندى دەمالىسىن، ساۋىقتىرىلۋىن، جۇمىسپەن قامتىلۋىن ۇيىمداستىرۋ جانە قامتاماسىز ەتۋ قازاقستان رەسپۋبليكاسىنىڭ مەملەكەتتىك الەۋمەتتىك ساياساتىنىڭ باسىم مىندەتتەرىنىڭ ءبىرى بولىپ تابىلادى.
شقو-نىڭ 185 374 وقۋشىسىن جازعى دەمالىسپەن جانە ساۋىقتىرۋمەن قامتۋ جوسپارلانۋدا. سونىڭ ىشىندە كوپ بالالى جانە از قامتىلعان وتباسىلاردان شىققان بالالار، ەرەكشە ءبىلىم بەرۋ قاجەتتىلىكتەرى بار بالالارعا باسىمدىق بەرىلمەك. كءوپ بالالى جانە از قامتىلعان وتباسىلاردىڭ بالالارى ءۇشىن الماتى قالاسىنىڭ "بوبەك" جانە ششۋچينسك قالاسىنىڭ "بالداۋرەن" ۇلتتىق ءبىلىم بەرۋ جانە ساۋىقتىرۋ ورتالىقتارىندا جازعى دەمالىستارىن وتكىزبەك.
«اعىمداعى جىلى وقۋشىلار ءۇشىن جازعى دەمالىستى ۇيىمداستىرۋعا 420 ملن.تەڭگە قاراستىرىلعان. سونىمەن قاتار، بيىل قالا سىرتىنداعى لاگەرلەر جەلىسى 5 بىرلىككە ارتىپ، 995ء-تى قۇرادى. سونىمەن قاتار، جاڭا لاگەرلەر بازاسىندا تىلدىك، بيزنەس جانە IT-لاگەرلەر سياقتى جاڭا باعىتتار بويىنشا جازعى دەمالىس ۇيىمداستىرىلاتىنىن اتاپ وتكىم كەلەدى» دەدى سايرانگۇل ءجۇمادىلوۆا.
ياعني سەمەي، التاي قالالارىنداعى IT-لاگەرلەر، ول بالالاردىڭ كومپيۋتەرلىك گرافيكا جانە انيماسيا، اۆتو جانە اۆيامودەلدەۋ بويىنشا قۇزىرەتتەرىن دامىتاتىن بولادى، سونداي-اق WI-FI جانە جەلىارالىق قاتىناستىڭ ەركىن ايماعىنىڭ IT-الاڭى جۇمىس ىستەسە، وسكەمەن، ريددەر قالالارىنداعى تىلدىك لاگەرلەردە بالالار قالانىڭ مادەني وبەكتىلەرىن تاماشالاۋ مەن قاتار، تابيعاتقا شىعۋ، ءتىل يەلەرىمەن قارىم-قاتىناس جاساۋ جوسپارلانعان.
ال وسكەمەن قالاسىنداعى بيزنەس-لاگەردە، كوشباسشىلىق داعدىلارىنا، قارجىلىق ساۋاتتىلىققا، اكتەرلىك شەبەرلىككە، شەشەندىك ونەرگە، تايم-مەنەدجمەنتكە جانە بيزنەس نەگىزدەرىنە وقىتاتىن بولادى. بيىل جازعى دەمالىستى وتكىزۋ ءۇشىن لاگەرلەردە 855 تاربيەشى، 881 تالىمگەر، 1250 قوسىمشا ءبىلىم بەرۋ پەداگوگى جانە 546 مەديسينا قىزمەتكەرى، سونداي-اق كوللەدج وقۋشىلارى مەن وبلىستىڭ جوو ستۋدەنتتەرى قاتارىنان پەداگوگيكالىق جاساقتارى ەڭبەك ەتپەك.سونداي-اق جازعى كەزەڭدە مەكتەپتەن تىس ءبىلىم بەرۋ ۇيىمدارىنىڭ جۇمىسى جالعاسادى، ونىڭ ىشىندە 14 وقۋشىلار سارايى، 39 بالالار ونەر مەكتەبى، 7 جاس تەحنيكتەر مەن ناتۋراليستەر ستانسياسى، 58 اۋلا جاسوسپىرىمدەر كلۋبى جۇمىس ىستەيتىن بولادى.بارلىق سارايلار مەن وقۋشىلار ۇيلەرىندە جازعى لاگەرلەر، بالالارعا ارنالعان دەبات الاڭدارى، شىعارماشىلىق ستۋديالار، سپورتتىق سەكسيالار كەستەگە ساي جۇمىستارىن جالعاستىرادى. بالالار ونەر مەكتەپتەرىندە، بالالار مۋزىكا مەكتەپتەرىندە، بالالار كوركەمونەر مەكتەپتەرىندە ءتۇرلى ۇيىرمەلەر جۇمىستارىن توقتاتپايدى. جاز بويى بالالارعا ارنالعان شىعارماشىلىق ءىس-شارالار وتكىزۋ جوسپارلانۋدا. ماسەلەن جاس ناتۋراليستەر ستانسيالارى مەن ەكوبيوورتالىقتاردا وقۋشىلاردىڭ جازعى دالالىق ەكولوگيالىق اكادەميالارى، شىعىس قازاقستان اۋداندارىندا، سونىڭ ىشىندە ەرەكشە قورعالاتىن تابيعي اۋماقتاردا عىلىمي-زەرتتەۋ جۇمىستارىن جانە ەكولوگيالىق مونيتورينگ جۇرگىزۋ ءۇشىن شاتىر ۇلگىسىندەگى لاگەرلەر ۇيىمداستىرىلماق.
بالالاردىڭ قاۋىپسىزدىك ماسەلەسىنە دە باسا نازار اۋدارىلۋدا. شقو تج دەپارتامەنتى شومىلۋ ماۋسىمى كەزىندە بالالاردىڭ قاۋىپسىزدىگىن قامتاماسىز ەتۋ بويىنشا ءوزارا ءىس-قيمىل جوسپارىنا سايكەس لاگەرلەردىڭ شومىلۋ ورىندارىنىڭ اكۆاتورياسىن تازارتۋ بويىنشا جۇمىستار اتقارىلدى. جانە سۋداعى قاۋىپسىزدىك ەرەجەلەرىن ساقتاۋ ماسەلەلەرى بويىنشا ءبىلىم بەرۋ بولىمدەرىنىڭ باسشىلارىمەن جانە قالا سىرتىنداعى جازعى لاگەر ديرەكتورلارىمەن سەمينار ۇيىمداستىرىلىپ، بارلىق لاگەرلەردە جازعى ماۋسىمعا قاراي سۋمەن جابدىقتاۋ وبەكتىلەرىن دەراتيزاسيالاۋ، دەزينسەكسيالاۋ، تازالاۋ، جۋۋ جانە دەزينفەكسيالاۋ، كەنەگە قارسى ءىس-شارالار بويىنشا جۇمىستار جۇرگىزىلۋدە. سونىمەن قاتار ورت-تەحنيكالىق تالاپتاردى جانە جول قوزعالىسى ەرەجەلەرىن ساقتاۋ ماسەلەلەرى بويىنشا اتا-انالار مەن جينالىستا وتكىزىلىپ، بالالاردىڭ قاۋىپسىزدىگىنە بەي-جاي قاراماۋعا شاقىردى.
اعىمداعى جىلدان باستاپ لاگەرلەردىڭ قولجەتىمدىلىگى تۋرالى بارىنشا اقپاراتتاندىرۋ ماقساتىندا «بالالاردى ساۋىقتىرۋ لاگەرلەرىنىڭ ينتەراكتيۆتى كارتاسى» ءموبيلدى قوسىمشاسى جانە «bala-demalys.kz» سايتى ىسكە قوسىلىپ، ولاردىڭ كومەگىمەن اتا-انالار باعدارلامانى، بيلەتتىڭ قۇنىن، لاگەردىڭ ورنالاسقان جەرىن كورە الۋعا مۇمكىندىكتەرى بار.
شقو اقپارات ورتالىعى
پىكىر قالدىرۋ