الەۋمەتتىك جەلىدە ماسكەۋدە جۇرگەن سۋرەتتەرى تاراپ كەتكەن ەكس-پرەزيدەنت نۇرسۇلتان نازاربايەۆ رەسەي پرەزيدەنتى ۆلاديمير پۋتينمەن كەزدەسكەنى بەلگىلى بولدى.
ەلباسى سايتى تاراتقان اقپاراتتىق حابارلامادا نۇرسۇلتان نازاربايەۆ رەسەي پرەزيدەنتىن ەلدىڭ ۇلتتىق مەرەكەسى – رەسەي كۇنىمەن قۇتتىقتاعانى ايتىلادى.
"كەزدەسۋدە قازاقستاننىڭ تۇڭعىش پرەزيدەنتى مەن رەسەي فەدەراسياسىنىڭ پرەزيدەنتى ەكى ەل اراسىندا قارىم-قاتىناس ورناعانىنا 30 جىل تولۋىنا وراي بىر-بىرىنە جىلى لەبىزدەرىن جەتكىزدى. تاراپتار قازاقستان مەن رەسەي ىنتىماقتاستىعى تەڭ دارەجەدەگى ديالوگ نەگىزىندە دامىپ كەلە جاتقانىن اتاپ ءوتتى. نۇرسۇلتان نازاربايەۆ پەن ۆلاديمير پۋتين بىر-بىرىنە مىقتى دەنساۋلىق جانە اماندىق تىلەپ، اراداعى دوستىق بايلانىس الداعى ۋاقىتتا دا قازاقستان مەن رەسەي حالىقتارىنىڭ يگىلىگى ءۇشىن جالعاسىن تابادى دەگەن سەنىم ءبىلدىردى" دەلىنگەن حابارلامادا.
پىكىر قالدىرۋ