– ءبىز جەرگىلىكتى جەرلەرگە بارىپ، وبلىس ورتالىقتارىنىڭ ينفراقۇرىلىم، جىلجىمايتىن مۇلىك وبەكتىلەرىنىڭ بولۋىن، اكىمشىلىك عيماراتتاردى ساتىپ الۋ، جالعا الۋ جانە جوندەۋ قاجەتتىلىكتەرىنە ازىرلىگىن زەردەلەپ، تالدادىق. جالپى، جاڭا وبلىس ورتالىقتارىندا مەملەكەتتىك ورگاندار مەن قىزمەتكەرلەردىڭ جۇمىس ىستەۋىنە قاجەتتى اكىمشىلىك عيماراتتار بار. بۇگىنگى تاڭدا جەرگىلىكتى اتقارۋشى ورگاندار وبلىس ورتالىقتارىنداعى اكىمشىلىك عيماراتتاردى ساتىپ الۋ، جوندەۋ، جالعا بەرۋ ءۇشىن قاجەتتى بيۋدجەت قاراجاتىنىڭ الدىن الا كولەمىن انىقتادى. الدىن الا جالپى قاجەتتىلىك شامامەن 12 ملرد تەڭگەنى قۇرايدى. بيۋدجەت قاراجاتىن ءبولۋ ماسەلەسى قازاقستان رەسپۋبليكاسىنىڭ بيۋدجەت زاڭناماسىندا ايقىندالعان تارتىپپەن قارالادى، – دەدى مينيستر.