جاڭادان قۇرىلىپ جاتقان ۇلىتاۋ وبلىسىنىڭ اكىمى بەرىك ءادىعالي ۇلى وڭىردە ءبىرىنشى كەزەكتە قولعا الىناتىن ىستەر تۋرالى ايتتى.

– ەرتەڭ وڭىرگە مەملەكەت باسشىسى دا كەلگەلى وتىر. سول كەزدە پرەزيدەنتتىڭ الدىندا كوتەرەتىن ەڭ ۇلكەن ماسەلە – قىزىلوردا-جەزقازعان جولىن سوزباي، تەزدەتىپ باستاپ، ءبىتىرۋ. ويتكەنى باعانىڭ وزگەرۋىنە بايلانىستى جوبانى قايتا قاراعىلارى كەلىپ، ءوز تاراپتارىنان جۇمىس ىستەپ جاتىر. ەكىنشىدەن، ەكولوگيا ماسەلەسى بار. وسى ماسەلەنى كوتەرگىمىز كەلىپ وتىر. ءبىز ارال وڭىرىنە كىرەمىز، سودان كەيىن گەپتيل ماسەلەسى بار. ەكولوگيالىق زارداپتار دالەلدەنسە، قوسىمشا الەۋمەتتىك كومەك كوبەيەدى. بۇل ۇلكەن قولداۋ بولادى. ۇشىنشىدەن، جەزعازعان قالاسىنىڭ، جالپى ءوڭىردىڭ اۋىزسۋ ماسەلەسى بار. بىزدە ينفراقۇرىلىمدار ابدەن توزعان. جاڭاارقا، ساتپايەۆ، ۇلىتاۋ، جەزقازعان – بارىندە دە كارىز جۇيەسى، سۋ قۇبىرلارى ابدەن توزعان. وسىنىڭ ءبارىن ۇكىمەتتىڭ قولداۋىمەن، "قازاقمىس» كوروپوراسياسى بار، بىرىگىپ، تەز ارادا شەشۋدى نەگىزگى مىندەت دەپ توپشىلاپ وتىرمىز"، – دەدى وبلىس اكىمى.

بەرىك ءابدىعالي ۇلى اتالعان جۇمىستارعا قاجەتتى قاراجاتتى ۇكىمەتتەن سۇرايتىنىن جانە جەرگىلىكتى ءىرى كاسىپورىنداردى دەمەۋشى ەسەبىندە تارتۋ كوزدەلىپ وتىرعانىن جەتكىزدى.

– ءقازىر حالىق سانىنىڭ وسكەنىنە بايلانىستى تۇرعىن ءۇي ماسلەسىن شەشۋ كەرەك بولادى. قاراجالدا جول ماسەلەسى، جاڭاارقادا جاڭا كاسىپتەر اشۋ، ۇلىتاۋداعى سۋ، ەلەكتر پروبلەمالارى – قازىرگى تاڭدا ەڭ العاشقى كەزەكتە تۇر. قوسىمشا قاراجات سۇرايمىز، ارينە. ويتكەنى بۇل ءبىر جىلدا عانا شەشىلەتىن ماسەلەلەر ەمەس، الداعى 2-3 جىلدا ىستەلەتىن جۇمىس. سوندىقتان ءبىز ونىڭ ءبارىن جوسپارلاپ، دالەلدەپ، نەگىزدەيمىز. دەمەۋشىلىك قولداۋ دا بار. "قازاقمىس"، "قازسينك"، "ارسەلور ميتتال" دەگەن مەكەمەلەر بار. ولارمەن دە جۇمىس ىستەيمىز، – بەرىك ءابدىعاني ۇلى.

دەرەككوز: قازاقپارات