رەسەيدىڭ بۇرىنعى پرەمەر-مينيسترى ۋكراينا جەڭىلسە، ءپۋتيننىڭ كەلەسى نىساناسى كىم بولاتىنىن ايتتى

/image/2022/06/14/crop-9_44_261x465_hqdefault.jpg

فوتو: Euronews سايتى

رەسەيدىڭ ەكس-پرەمەرى ميحايل كاسيانوۆ رەسەي مەن ۋكراينا اراسىنداعى سوعىس ەكى جىلعا سوزىلۋى مۇمكىن، ال رەسەيدىڭ دەموكراتياعا قادام باسۋى مەن وزگە ەلدەرمەن قارىم-قاتىناسىن دۇرىستاۋىنا ون جىل كەتەدى دەپ سانايدى. بۇل تۋرالى ول Euronews تەلەارناسىنا بەرگەن سۇحبات بارىسىندا ايتتى.

ونىڭ سوزىنشە، "دەپۋتينيزاسيي" جۇرگىزىپ، رەسەيگە وركەنيەتتى الەممەن، اسىرەسە كورشى ءارى نەگىزگى سەرىكتەسى ەۋروپا وداعىمەن سەنىمگە قۇرىلعان ەلەمەنتتەردى قالىپتاستىرۋعا ون جىلداي ۋاقىت كەتەدى.

ول كوپشىلىك سياقتى سوعىس باستالاتىنىنا سەنبەگەنىن، قازىرگى ۋاقىتتا پۋتين ساياسي شىندىقپەن بايلانىسىن جوعالتتى دەپ سانايتىنىن اتاپ ءوتتى.

ەكس-پرەمەر پۋتين قۇرعان جۇيە ءوزىنىڭ قاتاڭدىعى جونىنەن كەڭەس وداعىنىڭ سوڭعى كەزەڭىنەن دە اسىپ تۇسكەنىن، ونىڭ قۇرعان جۇيەسى زاڭسىزدىق پەن جاۋاپسىزدىققا يەك ارتقان "كگب" جۇيەسى ەكەنىن ايتادى.

ەكس-پرەمەر سونداي-اق ۋكراينا ەگەر سوعىستا جەڭىلسە، كەلەسى نىسانا بالتىق ەلدەرى بولادى دەگەن پىكىردە.

ميحايل كاسيانوۆ ۆلاديمير پۋتين بيلىگى تۇسىنداعى العاشقى پرەمەر-مينيستر. ول 2000-2004 جىلدارى مينيسترلەر كابينەتىن باسقارىپ، وتستاۆكاعا كەتكەن سوڭ وپپوزيسياعا وتكەن. ماۋسىمنىڭ باسىندا ءوزىنىڭ بوستاندىعى مەن ءومىرى ءۇشىن الاڭدايتىنىن جەتكىزىپ، رەسەيدەن كەتىپ قالعان.

Forbes جۋرنالى 2017 جىلى كاسيانوۆتى زاماناۋي رەسەي تاريحىنداعى ەڭ ءتيىمدى پرەمەر-مينيستر دەپ تانىعان.

رەسەيدىڭ بۇرىنعى پرەمەر-مينيسترى ۋكراينا جەڭىلسە، ءپۋتيننىڭ كەلەسى نىساناسى كىم بولاتىنىن ايتتى

قاتىستى تەگتەر :

قاتىستى ماقالالار