فرانسيا، گەرمانيا جانە يتاليا ەلدەرىنىڭ باسشىلارى ۋكرايناعا جاساعان ساپارى كەزىندە ۋكراينا پرەزيدەنتى ۆلاديمير زەلەنسكييدى رەسەيمەن كەلىسسوز جۇرگىزۋگە كوندىرۋگە تىرىسقان. بۇل تۋرالى Die Welt گازەتى جازدى. 

كييەۆتەگى جابىق كەزدەسۋ كەزىندە ولاف شولس، ەممانۋەل ماكرون ي ماريو دراگي ۋكرايناعا ەۋرووداق مۇشەلىگىنە كانديدات مارتەبەسىن بەرۋ كەزىندە قولداۋ بىلدىرەتىندەرىن جەتكىزگەن. 

"ءبىراق زەلەنسكييگە ءبىر شارت قويعان. ولاف شولس، ەممانۋەل ماكرون جانە ماريو دراگي ۋكراينا مەن رەسەي ءبىر كەلىسىمگە كەلىپ، كەلىسسوز جۇرگىزسە عانا زەلەنسكييگە قولداۋ بىلدىرەدى"، دەلىنگەن گازەتتەگى اقپاراتتا. 

رەسەيدىڭ ۋكرايناعا باسىپ كىرۋىنەن ەكونوميالىق تۇرعىدان ەۋروپاداعى ەلدەردىڭ ىشىندە فرانسيا، گەرمانيا جانە يتاليا كوبىرەك زارداپ شەككەن. "ەكونوميكالىق ءوسۋ توقتاپ قالدى، ينفلياسيا رەكوردتىق دەڭگەيگە جەتتى" دەپ جازادى Die Welt گازەتى.