بيىل 150 جىلدىعىن اتاپ وتەتىن احمەت بايتۇرسىن ۇلىنىڭ كىندىك قانى تامعان ءۇيىنىڭ ءىزى دە قالماعان. بۇعان دەيىن ىرگەتاسى تۇرعان. احاڭنىڭ كوزىندەي سول بەرىك ىرگەتاستى مەردىگەرلەر بۇزىپ تاستاپ، ورنىن تەز ۇگىتىلەتىن تاسپەن ورگەن، دەپ حابارلادى "حابار 24" تەلەارناسى.

تەلەارنا مەردىگەر رسىنىڭ وزىندە ءىستىڭ قيۋىن كەلتىرمەي، جۇرتتىڭ اشۋىن تۋعىزعان دەيدى.

جەرمەن جەكسەن بولعان اۋماقتا بىلتىر ەكى بولمەلى ءۇي تۇرعان. ۇلت ۇستازى سارىتۇبەكتەگى وسى باسپانادا دۇنيەگە كەلدى، دەيدى جۇرت. ونى ەسكەرتكىش رەتىندە تۇرعىندار 2009 جىلى باستاپقى كەيپىندەگى ىرگەتاستىڭ ۇستىنەن سالعان.

بيىل مامىر ايىندا ءۇي قايتا جاڭعىرتىلادى دەپ شەشىلگەن. تەندەر جاريالانىپ، مەردىگەر جۇمىسقا كىرىسكەن. ءبىراق 22 ملن تەڭگەنىڭ قۇرىلىسى ورتا جولدا توقتاپ قالدى. نىساندا ساپاسىز ماتەريالدار پايدالانعانى تۋرالى ۆيدەولار الەۋمەتتىك جەلىگە تاراپ، داۋ شىقتى. قابىرعاسىنا دەگەن قۇم بلوكتارى كوپكە شىداۋى ەكىتالاي ەدى. جاۋاپسىز مەردىگەرمەن كەلىسىم ەكى جاقپەن ۇزىلگەن.

الايدا وبلىستىق مادەنيەت باسقارماسىنىڭ باسشىسى ەرلان قالماقوۆ سۇرىلگەن ءۇي بايتۇرسىنوۆ تۋعان ءۇي ەمەس دەپ وتىر.

ءقازىر سۇرىلگەن اۋماق تەگىستەلىپ جاتىر. جاڭا ءۇيدىڭ قۇرىلىسى جوبالانىپ قويعان. قىركۇيەككە دەيىن سالىنىپ ءبىتۋى ءتيىس.

جانگەلدين اۋدانى قۇرىلىس ءبولىمىنىڭ باسشىسى ادىلبەك يمانعالييەۆ جوبا بويىنشا 149 شارشى مەتر تۇرعىن ءۇيدى مۋزەي ءۇي ەتىپ، قايتا قالپىنا كەلتىرۋ جۇمىستارى جۇرگىزىلمەك.

اقكول اۋىلىنىڭ تۇرعىنى كادىرجان ەندىگى سالاتىن ادام دۇرىستاپ سالسا ەكەن دەيدى.