"بورتتاعى تور زەنيتتىك-زىمىران كەشەنىنىڭ ءوزى ۋكراينانىڭ اسكەري-تەڭىز كۇشتەرىنە رەسەيلىك باسقىنشىلاردى قارۋسىزداندىرۋعا كەدەرگى كەلتىرە المادى" دەپ حابارلادى ۋكراين اسكەري-تەڭىز كۇشتەرىنىڭ باسشىلىعى.
ودەسسا وبلىسى اسكەري اكىمشىلىگىنىڭ باسشىسى ماكسيم مارچەنكو دا "ۆاسيليي بەح" كەمەسىنە جاسالعان شابۋىل ءساتتى بولعانىن مالىمدەدى. ونىڭ سوزىنشە، ۋكراين اسكەريلەرى كەمەگە قارسى امەريكالىق Harpoon زىمىرانىن قولدانعان. مامىر ايىنىڭ سوڭىندا ۋكراينا كييەۆ دانيا، ۇلىبريتانيا جانە نيدەرلاندىدان Harpoon زىمىراندارىن العانىن كورسەتكەن.
جەلىدە رەسەيلىك بۋكسيردى اتىپ تۇسىرگەن ءسات دەلىنگەن ۆيدەو جاريالاندى.
Zoomed in video pic.twitter.com/XorD8jI1Ry
— OSINTtechnical (@Osinttechnical) June 17، 2022
"ۋكراينا تەڭىز پالاتاسى" تاۋەلسىز ۇيىمى كەمە ءالى دە سۋ بەتىندە ەكەنىن، ونى قۇتقارىپ قالۋعا تىرىسىپ جاتقانىن حابارلادى.
استراحان زاۋىتىندا قۇراستىرىلعان بۋكسيرگە 1605 توننا جۇك تيەۋگە بولادى. كەمە رەسەيدىڭ قارا تەڭىز فلوتىندا 2017 جىلدان بەرى بار. كەمە 2021 جىلى "قۇتقارۋشى ۆاسيليي بەح" ەسىمىن العان.
بريتان قورعانىس مينيسترلىگى كەمە باعىت العان زمەينىي ارالى ستراتەگيالىق ماڭىزى بار نىسانداردىڭ ءبىرى ەكەنىن ايتادى. اۋماعى 20،5 گا بولاتىن شاعىن ارال ودەسسا قالاسى جاعالاۋىنان 140 شاقىرىم جەردە ورنالاسقان. ەگەر رەسەي ارالعا قارۋىن جەتكىزە السا، وندا قارا تەڭىزدىڭ سولتۇستىك-باتىس جاعىندا باسىمدىققا يە بولۋشى ەدى.
بۇعان دەيىن ۋكراينا كۇشتەرى رەسەيدىڭ ءىرى كرايسەرى "ماسكەۋدى" اتىپ سۋ تۇبىنە جىبەرگەن. رەسەي كەمەنىڭ باتىپ كەتكەنىن راستاپ، الايدا ونىڭ اپاتىنا كەمەدە شىققان ورتتەن ءوق-دارىنىڭ جارىلۋى سەبەپ بولدى دەگەن مالىمدەمە جاساعان.
پىكىر قالدىرۋ