قازگيدرومەت 2022 جىلعى 21-23 ماۋسىمعا ارنالعان اۋا رايى بولجامىن ۇسىندى.
سينوپتيكتەردىڭ مالىمەتىنشە، الداعى ءۇش تاۋلىكتە قازاقستاننىڭ باسىم بولىگىندە جاڭبىر جاۋادى.
"بۇعان ءفرونتالدى بولىمدەر ىقپال ەتەدى، ولاردىڭ ايماعىندا قىسقا مەرزىمدى جاڭبىر جاۋادى. 21 ماۋسىمدا سولتۇستىكتە، ەلدىڭ تاۋلى جانە تاۋ بوكتەرىندەگى اۋدانداردا قاتتى جاڭبىر جاۋادى، نايزاعاي، جەلدىڭ كۇشەيۋى كۇتىلەدى جانە بۇرشاق جاۋۋى مۇمكىن. ءبىراق، جاڭبىرعا قاراماستان، ەلدىڭ كوپ بولىگىندە تەمپەراتۋرا اياسىندا ايتارلىقتاي وزگەرىستەر بولمايدى، تەك سولتۇستىك ايماقتاردا كۇندىز اۋا تەمپەراتۋراسى 18-28 گرادۋسقا دەيىن ازداپ تومەندەۋى كۇتىلەدى" دەلىنگەن حابارلامادا.
پىكىر قالدىرۋ