الماتى قالاسى بويىنشا ەكونوميكالىق تەرگەۋ دەپارتامەنتى "رەيدەرلىك" بابى بويىنشا بولات نازاربايەۆ پەن ونىڭ بۇرىنعى ايەلى مايرا قۇرمانعالييەۆانىڭ ۇستىنەن قىلمىستىق ءىس قوزعادى. بۇل تۋرالى جۋرناليست ميحايل كوزاچكوۆ ءوزىنىڭ تەلەگرام -كانالىندا ءمالىم ەتتى.
جۋرناليست ءتيىستى ارىزدى Karuan ج ش س قۇرىلتايشىلارىنىڭ ءبىرى بولدىم، كەيىن ۇلەسىمدى تارتىپ الدى دەگەن نۇرشا كاكەنوۆ ەسىمدى ازامات جازعانىن، ول تارتىپ الىنعان ۇلەسىن 150 ميلليون دوللارعا باعالايتىنىن ايتادى.
"اشىق دەرەكتەردە Karuan كومپانياسى ماڭعىستاۋ وبلىسىندا مارگانەس وندىرۋمەن اينالىسقان دەلىنگەن. ەgov.kz بازاسىنداعى دەرەككە سۇيەنسەك، 2006 جىلدىڭ باسىندا نۇرشا كاكەنوۆ شىنىمەن دە كومپانيا يەلەرىنىڭ ءبىرى بولعان، الايدا سول جىلى-اق ءجشس-نىڭ جالعىز قۇرىلتايشىسى ەكس-پرەزيدەنتتىڭ ءىنىسى بولىپ شىعا كەلەدى. 2018 جىلعى اقپاننان باستاپ فيرما ەكى زاڭدىق تۇلعاعا تيەسىلى. ونىڭ ءبىرى – "ورتا-ازيالىق ينۆەستيسيالىق كونسالدينگتىك كومپانيا، ەكىنشىسى – كيپردە تىركەلگەن ILMAX LTD كومپانياسى. Karuan ج ش س 2021 جىلى ۇىزمەتىن توقتاتقان" دەپ جازادى جۋرناليست.
پىكىر قالدىرۋ