قاڭتار وقيعالارىنان كەيىن قامالعانداردى ازاپتاۋ فاكتىلەرى بويىنشا ارنايى جانە قۇقىققورعاۋ ورگاندارىنىڭ 15 ادامى كۇدىككە ىلىنگەن. بۇل تۋرالى باس پروكۋراتۋرانىڭ قىلمىستىق قۋدالاۋ قىزمەتىنىڭ باستىعى سەرىك شالابايەۆ ءمالىم ەتتى.
ونىڭ ايتۋىنشا، ارنايى پروكۋرورلار رەزونونس تۋدىرعان 8 ءىستى تەرگەپ جاتىر. ول بويىنشا 15 ادام كۇدىككە ءىلىنىپ، 9-ى قاماۋعا الىنعان.
سونداي-اق ول ۇتىكپەن ازاپتاۋ ءىسى بويىنشا 25 جابىرلەنۋشى انىقتالعانىن، جابىرلەنۋشىنىڭ ءبارى ۇقساس تاسىلمەن ازاپتالعانىن ايتقانىن جەتكىزدى. وسى دەرەككە قاتىستى بەس پوليسيا قىزمەتكەرىنىڭ قاتىسى بارى انىقتالىپ، ولاردىڭ ۇشەۋى كىناسىن مويىنداعان.
سەرىك شالابايەۆ ازاپتاۋ فاكتىلەرى بويىنشا تەرگەۋ بارىسىندا ءبىرقاتار قيىندىق تۋىپ جاتقانىن، ازاپتاۋشىلار ماسكامەن نەمەسە ارنايى قىزمەتتىك كيىمسىز بولعاندىقتان جابىرلەنۋشىلەر وزدەرىن ازاپتاعانداردى تاني الماي جاتقانىن اتاپ ءوتتى. سوزىنشە، پوليسيا عيماراتتارىنا شابۋىل جاسالعاندا قۇرال-جابدىقتار بۇلىنگەندىكتەن، ءىس بويىنشا ۆيدەوجازبالار جوق.
پىكىر قالدىرۋ