الماتى تەرگەۋ سوتى قاڭتار وقيعاسى بويىنشا تەرگەلىپ جاتقان كاسىپكەر، قالالىق ءماسليحات دەپۋتاتى قايرات قۇدايبەرگەندى قاماۋ مەرزىمىن ۇزارتتى، دەپ جازادى كازتاگ اقپارات اگەنتتىگى.
"الماتى تەرگەۋ سوتىنىڭ قاۋلىسىمەن 17 ماۋسىم كۇنى كۇدىكتىنى كۇزەتپەن ۇستاۋ مەرزىمىن ءۇش ايعا ۇزارتۋ تۋرالى ارىز قاناعاتتاندىرىلدى. ۇزارتۋ مەرزىمى – 2022 جىلعى 21 شىلدەگە دەيىن. قاۋلى زاڭدىق كۇشىنە ءالى ەنگەن جوق" دەلىنگەن سوتتىڭ باسپا ءسوز قىزمەتى تاراتقان حابارلامادا.
قايرات قۇدايبەرگەن قاڭتار وقيعاسى كەزىندە 24 ادامدى ۇرلاعان دەپ ايىپتالىپ وتىرعان "ديكيي ارمان" ەسىمىمەن بەلگىلى كريمينال اۆتوريتەت ارمان جۇماگەلدييەۆتىڭ جانىندا جۇرگەن. قازىرگى ۋاقىتتا اتتارى اتالعان ەكى ازامات تا تەرگەلىپ جاتىر.
پىكىر قالدىرۋ