قازاقستاننىڭ قارجى مونيتورينگ اگەنتتىگى "Karuan كومپانياسىن رەيدەرلىك جولمەن تارتىپ العانى" تۋرالى شاعىم تۇسكەنىن راستادى.
"ب ا ق وكىلدەرىنەن تۇسكەن سۇراۋلارعا 2022 جىلدىڭ 17 ماۋسىمىندا الماتى قالاسى پروكۋراتۋراسىنان الماتى قالاسى بويىنشا ەكونوميكالىق تەرگەۋ دەپارتامەنتىنە ن.كاكەنوۆتەن "KARUAN" ءجشس-نىڭ رەيدەرلىك جولمەن الىنعانى تۋرالى شاعىم تۇسكەنىن حابارلايمىز. وتىنىشتە كورسەتىلگەن دالەلدەر تەكسەرۋگە جاتادى، ونىڭ ناتيجەلەرىنە قۇقىقتىق باعا بەرىلەدى"، دەلىنگەن حابارلامادا.
بۇعان دەيىن بيزنەسمەن نۇرشا كاكەنوۆ "ەكس-پرەزيدەنت نۇرسۇلتان نازاربايەۆتىڭ ءىنىسى بولات نازاربايەۆ بيزنەسىمدى تارتىپ الدى" دەپ شاعىمدانعانى، شاعىم بويىنشا قىلمىستىق ءىس قوزعالعانى جونىندە اقپارات تاراعان بولاتىن.
پىكىر قالدىرۋ