2021 جىلى بەيبىتشىلىك سىيلىعىن العان "نوۆايا گازەتا" باسىلىمىنىڭ باس رەداكتورى دميتريي مۋراتوۆ ءوزىنىڭ نوبەل توسبەلگىسىن 103،5 ملن دوللارعا ساتتى، دەپ جازادى currenttime.tv سايتى.
اتالعان اۋكسيون اقش-تاعى Heritage ۇيىندە وتكەن. جۋرناليست قاراجاتتى تۇگەلدەي رەسەيدىڭ شابۋىلىنان زارداپ شەككەن ۋكرايندىق بوسقىندار مەن ولاردىڭ وتباسىلارى ءۇشىن يۋنيسەف-تىڭ حالىقارالىق كومەك قورىنا بەرەتىنىن ايتتى.
نوبەل توسبەلگىسىن ساتىپ العان ادامنىڭ ءاتى-جونى اتالمادى.
دميتريي مۋراتوۆ "دەموكراتيا مەن بەيبىتشىلىكتىڭ العىشارتى رەتىندە تانىلعان ءسوز بوستاندىعىن ساقتاۋداعى كۇش-جىگەرى ءۇشىن" 2021 جىلعى نوبەل بەيبىتشىلىك سىيلىعىنىڭ لاۋرەاتى اتانعان بولاتىن.
پىكىر قالدىرۋ