رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا رەسەي قازاقستاننىڭ دونەسك پەن لۋگانسك رەسپۋبليكالارىن تاۋەلسىز دەپ تانۋدان باس تارتقان پوزيسياسىنا قۇرمەتپەن قارايتىنىن ءمالىم ەتتى. بۇل تۋرالى ول رەسەيلىك "لەنتا.رۋ" سايتى ءتىلشىسىنىڭ ساۋالىنا جاۋاپ بەرگەندە ايتقان.
– بۇل – ءبىز ۇدايى ايتىپ جۇرگەنىمىزدىڭ ءىس جۇزىندەگى جارقىن مىسالى. ءبىزدىڭ ۇستانىمىمىز ءارتۇرلى بولۋى مۇمكىن، ءبىراق سەرىكتەستەرىمىزگە قۇرمەتپەن قارايمىز. دەموكراتيا مەن ءپليۋراليزمدى ۇستاناتىن سياقتى كورىنەتىن، شىن مانىندە پىكىر الۋاندىعىنا توزە المايتىن باتىستان ايىرماشىلىعىمىز وسى جەردە، – دەدى زاحاروۆا.
ول سونداي-اق رەسەي قازاقستانعا كوزقاراسىنا بولا قىسىم جاسامايتىنىن، نۇر-سۇلتانمەن ەكىجاقتى قۇرمەت پەن مۇددەگە نەگىزدەلە وتىرىپ ءوربيتىن ىنتىماقتاستىقتى ىزدەۋدى جالعاستىراتىنىن، ماسكەۋ ءوزىنىڭ ۇلتتىق كۇن تارتىبىنمەن جۇرە بەرەتىنىن جەتكىزدى.
بۇعان دەيىن قازاقستان پرەزيدەنتى قاسىم-جومارت توقايەۆ سانكت-پەتەربەرگتە وتكەن فورۋمدا قازاقستان سەرپاراتيستىك، پرورەسەيلىك لۋگانسك جانە دونەسك رەسپۋبليكالارىنىڭ تاۋەلسىزدىگىن مويىندامايتىنىن ءمالىم ەتكەن.
پىكىر قالدىرۋ