رەسەيلىك ءارتىس، "لاسكوۆىي ماي" توبىنىڭ ەكس-سوليسى يۋريي شاتۋنوۆ 48 جاسىندا قايتىس بولدى. بۇل تۋرالى رەسەيلىك لەنتا.رۋ سايتى حابارلادى.
ءانشى جەدەل جاردەم كولىگىندە قايتىس بولعانى، قازاعا ينفارك سەبەپ بولعانى حابارلاندى.
يۋريي شاتۋنوۆ 1973 جىلى باشكير اكسر-دە دۇنيەگە كەلگەن. 3 جاسىندا اتا-اناسى اجىراسىپ، 11 جاسىندا شەشەسى قايتىس بولعان. ءانشىنىڭ ءجاسوسپىرىم شاعى بالالار ۇيىندە وتكەن. سول جاقتا سەيگەي كۋزنەسوۆپەن تانىسىپ، ەكەۋىنىڭ تانىستىعى "لاسكوۆىي ماي" توبىنىڭ قۇرىلۋىنا ۇلاسقان.ءانشىنىڭ اندەرى بۇرىنعى كەڭەس وداعى ەلدەرىنىڭ كوپشىلىگىنە كەڭىنەن تاراعان. ونىڭ حيت اندەرى قاتارىندا "بەلىە روزى"، "لەتو"، "سەدايا نوچ"، "پۋست بۋدەت نوچ"، "تايۋششيي سنەگ" سەكىلدى تۋىندىلار بار. ولاردىڭ بارلىعى 1986-1988 جىلدارى جازىلعان.
1991 جىلى شاتۋنوۆ توپتى تاستاپ، جەكە شىعارماشىلىعىمەن اينالىسقان. 30 جىلدان استام ۋاقىت مۋزىكالىق ديرەكتور اندرەي رازينمەن ءوزىنىڭ حيت اندەرىن ورىنداۋ قۇقىعى ءۇشىن سوتتاسىپ، 2022 جىلى جەڭىپ شىققان.
ءارتىس ءومىرىنىڭ سوڭىنا دەيىن ونەرمەن اينالىسىپ، 2019 جىلى "ليۋبيمىە پەسني" اتتى البوم، 2022 جىلى "سپاسيبو تەبە"، "وستانوۆيتسيا نە موگۋ"، "زامەتاەت ليستيا سنەگ" اندەرىن شىعارعان.
پىكىر قالدىرۋ