ەۋروپا وداعى ءسامميتى ۋكراينا مەن مولدوۆاعا ەۋرو وداققا ۇمىتكەر ستاتۋسىن بەرۋ تۋرالى شەشىمدى ماقۇلدادى. بۇل تۋرالى ەۋروكەڭەس ءتوراعاسى شارل ميشەل ءمالىم ەتتى.
"ەۋرووداق ءقازىر عانا ۋكراينا مەن مولدوۆانى ەو-عا ۇمىتكەر ستاتۋسىنا بايلانىستى شەشىم قابىلدادى. بۇل – تاريحي ءسات. بۇگىنگى كۇن سىزدەردىڭ ەو-عا باستار جولداعى شەشۋشى قادام بولىپ وتىر. ۆلاديمير زەلەنسكيي مەن ماييا ساندۋدى، سونداي-اق ۋكراينا مەن مولدوۆا حالقىن قۇتتىقتايمىن" دەلىنگەن شارل ميشەلدىڭ Twitter جازباسىندا.
سونداي-اق ول ەۋروكەڭەس گرۋزيانىڭ ەۋروپاعا ۇمتىلىسىن مويىندايتىنىن، ءبىرقاتار تالاپتار ورىندالعان سوڭ وعان دا كانديدات ستاتۋسىن بەرۋگە ءازىر ەكەنىن جەتكىزدى.
پىكىر قالدىرۋ