"تەرگەۋ ماتەريالدارى مەن سوتتالۋشىنىڭ ءوز كىناسىن مويىنداعانى تۋرالى پروسەسسۋالدىق كەلىسىم سوتقا ءتۇستى. سوت شەشىمىمەن ول شارتتى تۇردە 4 جىل 6 ايعا باس بوستاندىعىنان ايىرىلدى. وسى مەرزىمدە سوتتالۋشىعا پروباسيالىق باقىلاۋ جاسالادى" دەپ حابارلادى تالدىقورعان قالالىق سوتى.
ەسكە سالا كەتەيىك، 38 جاستاعى ازامات باتىربايەۆ قاڭتاردا تالدىقورعاندا بولعان تارتىپسىزدىككە قاتىسقانى ءۇشىن جاۋاپقا تارتىلدى. ول 2016 جىلى ورتالىق الاڭدا ورناتىلعان نازاربايەۆ ەسكەرتكىشىن بۇزۋ كەزىندە جۇك كولىگىن جۇرگىزگەن.
كەيىنىرەك باتىربايەۆ تەگەۋ يزولياتورىندا اياۋسىز ازاپتاعان. ونىڭ دەنەسىن ۇتىكپەن كۇيدىرىپ، ساباعان. قازىرگى ۋاقىتتا ازاپتاۋ فاكتىسى بويىنشا پوليسيا قىزمەتكەرلەرىنىڭ ءبىرى ۇستالىپ، ونىڭ ۇستىنەن قىلمىستىق ءىس قوزعالدى.
پىكىر قالدىرۋ