جەتىسۋ وبلىسىنا جۇمىس ساپارىمەن بارعان پارلامەنت ءماجىلىسىنىڭ دەپۋتاتتارى، «AMANAT» پارتياسى فراكسياسىنىڭ مۇشەلەرى دانيار ءالىمبايەۆ پەن ءاليا ابسەمەتوۆا الاكول اۋدانىنداعى كاسىپكەرلىك جانە تۋريزم سالاسى وكىلدەرىمەن كەزدەسىپ، ءۇشارال قالاسى اۋەجايىنىڭ ۇشۋ-قونۋ جولاعىن جوندەۋ بارىسىمەن تانىستى.

قازىرگى تاڭدا اۋەجايدا ۇشۋ-قونۋ جولاعىن جوندەۋ جۇمىستارى قارقىندى تۇردە جالعاسۋدا. اۋەجاي باسشىسى اشىربەك باقىتجانوۆتىڭ ايتۋىنشا، اتالعان ءاۋەجاي 2018 جىلى اشىلعان، ءجوندەۋ جۇمىستارى بىلتىر باستالدى، بيىل تولىعىمەن اياقتالادى دەپ جوسپارلانۋدا.

وسى كۇنى سونداي-اق، مءاجىلىس دەپۋتاتتارى ءبىرقاتار تۋريستىك نىسانداردى ارالادى. اتاپ ايتساق، الاكول كولى جاعالاۋىن دامىتۋدىڭ باس جوسپارىنا سايكەس سۋمەن، ەلەكترمەن قامتۋ، كارىز جۇيەسىن جۇرگىزۋ قولعا الىنعان. بيىل جاعالاۋدا 3 ءىرى ينۆەستيسيالىق جوبا جۇزەگە اسىرىلىپ، ءىرءى دەمالىس ورىندارى ىسكە قوسىلدى. جالپى سانى 100-گە جۋىق جاڭا جۇمىس ورنى اشىلىپ، جوبالارعا 3 ملرد. تەڭگەگە جۋىق ينۆەستيسيا تارتىلعان.

– الاكول – وڭىردەگى تۋريستىك الەۋەتى زور ايماق. مۇندا جازعى ماۋسىمدا كولگە شومىلۋعا ميلليوننان استام ادام كەلەدى. سوندىقتان ءوڭىردىڭ تۋريستىك تارتىمدىلىعىن ودان ءارى ارتتىرۋ ءۇشىن كول جاعالاۋىنداعى ينفراقۇرىلىمدى دامىتۋ باستى مىندەت. جەرلەستەرىمىزدەن بولەك، شەت ەلدەردەن تۋريستەر كەلسە، ول جەتىستىك، – دەپ اتاپ ءوتتى مءاجىلىس دەپۋتاتى دانيار ءالىمبايەۆ.

جەرگىلىكتى بيلىك وكىلدەرىنىڭ ايتۋىنشا، بيىل جاعالاۋلاردى قورشاۋ جۇمىستارى باستالعان. اقشي مەن كوكتۇما اۋىلدىق وكرۋگتەرىندە جالپى ۇزىندىعى 13،4 شاقىرىم جاعالاۋ قورشالۋعا ءتيىس. جوبانىڭ قۇنى 6 ملرد. تەڭگەءنى قۇرايدى.

بۇل پارتيانىڭ سايلاۋالدى جول كارتاسىندا كورسەتىلگەن جوسپارلاردى جۇزەگە اسىرۋ اياسىندا ۇيىمداستىرىلعان.

ءماجىلىستىڭ باسپا ءسوز قىزمەتى