حالىق سانىنىڭ ءبىرشاما وسۋىنە جانە اۋماقتاردىڭ قوسىلۋىنا بايلانىستى الەۋمەتتىك ينفراقۇرىلىمنىڭ تاپشىلىعى ايتارلىقتاي قيىندىق تۋعىزۋدا. وسى ماسەلەلەردى شەشۋ ءۇشىن قالادا «باسقارىلاتىن تاپشىلىق» ساياساتى ىسكە اسىرىلادى. جاڭا مەملەكەتتىك جانە جەكە مەنشىك ءبىلىم بەرۋ وبەكتىلەرىن سالۋ ەسەبىنەن ورىن تاپشىلىعى قىسقارادى. الماتى اكىمى ەربولات دوسايەۆتىڭ ايتۋىنشا، مەملەكەتتىك مەكتەپتەردىڭ باستاۋىش سىنىپتارىن فيليال رەتىندە تۇرعىن ءۇي كەشەندەرىنىڭ ءبىرىنشى قاباتتارىندا ورنالاستىرۋ تەتىگى قاراستىرىلۋدا.
«وسىلايشا، 2022 جىلدىڭ باسىنان بەرى 3 316 ورىندىق 54 جەكە مەنشىك بالا باقشا اشىلدى، جىل سوڭىنا دەيىن تاعى شامامەن 1 500 ورىندىق 17 بالا باقشا، ونىڭ ىشىندە 560 ورىندىق 2 مەملەكەتتىك بالا باقشا اشىلادى. بيىل ورتا ءبىلىم بەرۋ سالاسىندا 13،8 مىڭ ورىنعا ەسەپتەلگەن 18 وبەكتىنى پايدالانۋعا بەرۋ جوسپارلانىپ وتىر، ونىڭ ىشىندە 10 750 ورىنعا 11 جاڭا مەكتەپ، ونىڭ 5-ەۋى مەملەكەتتىك جانە 6-ى جەكە مەنشىك مەكتەپ، 1 270 ورىنعا 5 قوسىمشا قۇرىلىس، 1 800 ورىندىق 2 عيماراتتى ساتىپ الۋ جوسپارلانىپ وتىر»، - دەدى الماتى قالاسىنىڭ اكىمى ورتالىق كوممۋنيكاسيالار قىزمەتى الاڭىندا.
جىل سوڭىنا دەيىن قالادا 3-6 جاس ارالىعىنداعى بالالاردى مەكتەپكە دەيىنگى بىلىممەن قامتۋ 2،4%-عا، مەكتەپتەردەگى وقۋشى ورىندارىنىڭ سانى 5%-عا وسەدى.
