قالعان قوردى ءوز اۋماقتارىن گازداندىرۋعا باعىتتاۋ تۋرالى شەشىم قابىلداندى. بۇل تۋرالى شقو اكىمى دانيال احمەتوۆ وكق بريفينگىندە ءمالىم ەتتى

جۋرناليستەر اكىمنەن وبلىستىڭ ەلدى مەكەندەرىن گازداندىرۋ مۇمكىندىگى تۋرالى سۇرادى. ولاردىڭ مالىمەتتەرى بويىنشا 2020 جىلى زايسان گازىنىڭ 95% قىتايعا ەكسپورتتالعان. دانيال احمەتوۆ اتاپ وتكەندەي، بۇگىنگى تاڭدا جەتكىزىلىمدەر توقتاتىلدى.

– حالىقارالىق كەلىسىمشارتقا 1995 جىلدىڭ ورتاسىندا قول قويىلعان. ول ءىس جۇزىندە ورىندالدى. بۇگىندە بۇل كەن ورنىندا 328 ميلليون تەكشە مەتر گاز قالادى. مەنىڭ جەكە ۇستانىمىم بويىنشا بۇل گازدى حالىق ءۇشىن ساقتاۋ كەرەك ءبىز وسى باعىتتا ۇستاپ تۇرامىز. بۇگىندە 75 ملن تەكشە مەتر گاز ەكسپورتى توقتاتىلدى، قالعان – 320 ملن گاز بىزگە شامامەن 11 جىلعا جەتۋى ءتيىس، – دەپ اتاپ ءوتتى دانيال احمەتوۆ

سونداي-اق ءوڭىر باسشىسى ىزدەستىرۋ اۋماقتارىن كەڭەيتۋ جوسپارلارىن ءبولىستى، ويتكەنى زايسان اۋدانىنا جاقىن ورنالاسقان ەلدى مەكەندەر دە گازداندىرۋدى قاجەت ەتەدى.

– بارلاۋ قورىتىندىسىن كۇتەمىز. كەمى، حالىق ءۇشىن كولەم قالدىرىپ قويدىق. بارلاۋ گازدىڭ مول قورىن تاۋىپ جاتسا، گازيفيكاسيانى كەڭەيتەمىز، – دەدى دانيال احمەتوۆ.