ەڭبەك نارىعىنداعى جاعداي تۇراقتى. جۇمىسسىزدىق دەڭگەيى 5،1%-دى قۇرايدى. جىل باسىنان بەرى 17،1 مىڭ، ونىڭ ىشىندە 7،3 مىڭ تۇراقتى جۇمىس ورنى قۇرىلدى. الماتى اكىمى ەربولات دوسايەۆ ورتالىق كوممۋنيكاسيالار قىزمەتىندە وتكەن بريفينگتە وسىنداي كورسەتكىشتەردى جاريا ەتتى.

ونىڭ ايتۋىنشا، ەڭبەك رەسۋرستارىنىڭ بارىنشا تارتىلۋىن قامتاماسىز ەتۋ ءۇشىن جاڭا ساپالى جۇمىس ورىندارىن قۇرۋ جونىندەگى جۇيەلى شارالارعا كوشۋ جۇزەگە اسىرىلادى.

«وسى جىلدىڭ ءى جارتى جىلدىعىندا شامامەن 19،5 مىڭ ادامعا 804 ملن تەڭگە اتاۋلى الەۋمەتتىك كومەك كورسەتىلدى. 15،8 مىڭ مۇگەدەك ادام 2،6 ملرد تەڭگەگە وڭالتۋ قۇرالدارىمەن جانە قىزمەتتەرىمەن ادام قامتاماسىز ەتىلدى. 429 ملن تەڭگەگە 48 مىڭ ادام الەۋمەتتىك جوبالارمەن قامتىلدى. جالپى، 2022 جىلى 52،2 مىڭ جۇمىس ورنى قۇرىلادى، ونىڭ 70%-ى تۇراقتى جۇمىس ورىندارى»، - دەدى دوسايەۆ.