كولىك ينفراقۇرىلىمىن دامىتۋ - قالا تۇرعىندارىنىڭ جايلى ءومىر ءسۇرۋى مەن جولداعى كەپتەلىستى ازايتۋ ينديكاتورلارىنىڭ ءبىرى. بيىل 30 مامىردا مەترونىڭ «سارىارقا» جانە «ب.مومىش ۇلى» 2 ستانسياسى اشىلدى، بۇل كۇندەلىكتى جولاۋشىلار اعىمىن 1،9 ەسە 86 مىڭ ادامعا دەيىن ارتتىردى. بۇل تۋرالى الماتى اكىمى ەربولات دوسايەۆ ورتالىق كوممۋنيكاسيالار قىزمەتىندە وتكەن بريفينگتە حابارلادى.

ونىڭ ايتۋىنشا، وسى جىلدىڭ مامىر ايىندا ۇزىندىعى 800 مەتر اۋەزوۆ كوشەسى گوگول كوشەسىنەن رايىمبەك داڭعىلىنا دەيىن ۇزارتىلدى، سونداي-اق ۇزىندىعى 7،7 كم 2 كوشەنى ۇزارتۋ جالعاسۋدا.

«ءۇش كولىك جولايرىعىنىڭ قۇرىلىسى ءجۇرىپ جاتىر، ونىڭ بىرەۋىن «بۇقتىرما – قۇلجا كۇرە جولىن» وسى جىلدىڭ سوڭىندا، ەكەۋىن – 2023 جىلدىڭ جەلتوقسان ايىندا اياقتايمىز. سونداي-اق 5 شاعىن اۋداندا 50 كم جاڭا جول قۇرىلىسىن اياقتايمىز. 200 كم جولعا ورتاشا جوندەۋ جۇرگىزىلىپ، 100 كم تروتۋارلار مەن 80 ايالداما جايلاستىرىلادى. ناتيجەسىندە جاقسى جانە قاناعاتتانارلىق جاعدايداعى اۆتوموبيل جولدارىنىڭ ۇلەسىن بيىل 86%-عا جەتكىزەمىز. بىلتىر بۇل كورسەتكىش 83%  بولعان.