الماتىنىڭ جەر بەدەرىنە بايلانىستى نوسەر جاۋىن كەزىندە قالانى سۋ باسىپ جاتادى. تەكسەرۋ بارىسىندا قالادا تۇراقتى سۋ باساتىن 102 ۋچاسكە انىقتالدى. بيىل ناۋرىز ايىندا جاۋىن-شاشىننىڭ ايلىق مولشەرى 76 مم نورما كەزىندە 166،3 مم، ماۋسىم ايىندا 106 مم نورما كەزىندە 141،6 مم قۇرادى. بۇل تۋرالى الماتى اكىمى ەربولات دوسايەۆ ورتالىق كوممۋنيكاسيالار قىزمەتىندە وتكەن بريفينگتە حابارلادى.
«2022 جىلدىڭ سوڭىنا دەيىن سۋ باساتىن 56 ۋچاسكە جويىلىپ، 12 كوللەكتور قالپىنا كەلتىرىلەدى، 75 كم ارىق جەلىسى جاڭعىرتىلادى. جۇيەلى شارا رەتىندە نوسەر كاناليزاسياسى (كوللەكتور، كانالدار، سۋ توعاندارى) ءبىرىڭعاي وپەراتور - قالا اكىمدىگىنە تيەسىلى «Eco Almaty» جاۋاپكەرشىلىگى شەكتەۋلى سەرىكتەستىگىنە بەرىلەدى. 2023-2024 جىلدارى 201 كم ارىق جەلىسىن جاڭعىرتۋ اياقتالادى، 100 كم جاڭا ارىق جەلىسى سالىنادى، تۇراقتى سۋ باساتىن 46 ۋچاسكە جويىلادى. تۇراقتى سۋ باسۋدى جويۋ ءۇشىن اعىمداعى جىلى جەرگىلىكتى بيۋدجەت رەزەرۆىنەن 5،3 ملرد تەڭگە ءبولىندى»، - دەدى سپيكەر.
پىكىر قالدىرۋ