مەملەكەت باسشىسىنىڭ تاپسىرماسى بويىنشا الماتى قالاسى ءماسليحاتىنىڭ 2022 جىلعى 20 ماۋسىمداعى شەشىمىمەن الماتى قالاسىندا قۇرىلىس جۇرگىزۋ رەگلامەنتىنە تولىقتىرۋلار ەنگىزىلدى. قالا باسشىسى ەربولات دوسايەۆتىڭ ايتۋىنشا، ءال-فارابي داڭعىلىنىڭ وڭتۇستىگىنە قاراي بيىكتىگى 15 مەتردەن اسپايتىن دەنساۋلىق ساقتاۋ جانە ءبىلىم بەرۋ وبەكتىلەرىن سالۋ پارامەترلەرى ايقىندالدى، سونداي-اق اۋىل شارۋاشىلىعى ماقساتىنداعى جەر ۋچاسكەلەرىن بولۋگە جانە تاۋ بوكتەرلەرىنە، سونداي-اق 15 گرادۋس جانە ودان دا تىك قۇزدى الاڭدارعا شاعىن قاباتتى عيماراتتار سالۋعا جول بەرىلمەيدى.
«ابايدىڭ وڭتۇستىگى مەن ءال-فارابيدىڭ سولتۇستىگىنە قاراي تۇرعىن ءۇي عيماراتتارىنىڭ قابات سانى پاراپەتتىڭ جوعارعى جاعىنا دەيىن ەڭ جوعارى بيىكتىگىن 35 مەتردەن اسىرماي، 9 قاباتقا دەيىن شەكتەلدى جانە جايلىلىعى III كلاستان تومەن ەمەس تۇرعىن ءۇي عيماراتتارىنىڭ پارامەترلەرىن قولدانۋ بەلگىلەندى. سونىمەن قاتار، ءبىز وسى جىلدىڭ 1 تامىزىنان باستاپ قالانىڭ قالا قۇرىلىسى كەڭەسىنىڭ قىزمەتىن جاڭا فورماتتا قايتا باستاۋدى جوسپارلاپ وتىرمىز. وندا ىسكە اسىرۋعا ۇسىنىلاتىن قالا قۇرىلىسى جانە ساۋلەت جوبالارى بويىنشا شەشىمدەر تاۋەلسىز ساراپشىلاردى تارتا وتىرىپ، اشىق تالقىلاۋ ارقىلى قابىلداناتىن بولادى»، - دەدى الماتى اكىمى ورتالىق كوممۋنيكاسيالار قىزمەتىندە وتكەن بريفينگتە.
پىكىر قالدىرۋ