قازاقستاننىڭ كوپتەگەن وڭىرلەرىنىڭ اۋا-رايىنا وڭتۇستىك سيكلون اسەر ەتەدى. 16 شىلدەدە سولتۇستىك-باتىستا، 16-17 شىلدەدە سولتۇستىكتە، 17 شىلدەدە رەسپۋبليكانىڭ شىعىسىندا نايزاعاي ويناپ، قاتتى جەل سوعىپ، قاتتى جاڭبىر، كەي جەرلەرگە بۇرشاق جاۋۋى مۇمكىن. بۇل تۋرالى قازگيدرومەتتىڭ 16-18 شىلدەگە ارنالعان اۋا رايى بولجامىندا ايتىلعان.
"دەمالىس كۇندەرى سولتۇستىك-باتىس انتيسيكلوننىڭ جوتاسى ەلىمىزدىڭ باتىسى مەن وڭتۇستىگىندە جاۋىن-شاشىنسىز اۋا رايىنا ىقپال ەتەدى. ەلدىڭ وڭتۇستىگىندە شاڭدى داۋىل كۇتىلەدى" دەيدى سينوپتيكتەر.
كۇندىزگى اۋا تەمپەراتۋراسى تومەندەگىدەي بولادى دەپ كۇتىلىپ وتىر:
♦ باتىستا +30+40°س؛
♦ سولتۇستىك-باتىستا +25+40°س؛
♦ وڭتۇستىك-باتىستا +36+45°س؛
♦ وڭتۇستىكتە +33+42°س؛
♦ وڭتۇستىك-شىعىستا +20+35°س؛
♦ سولتۇستىكە + 24+33°س-تان +20+30°س-قا دەيىن، اراسىندا +27+38°س-تان +23+33°س-قا دەيىن؛
♦ شىعىستا +21+33°س-تان +16+28 ° س-قا دەيىن.
پىكىر قالدىرۋ