ساراپشىلار نان باعاسىنىڭ 250 تەڭگەگە دەيىن جانە ودان دا كوپ ءوسۋى مۇمكىن دەپ مالىمدەدى، دەپ جازادى Atameken Business پورتالى. جاز باستالعالى نان باعاسى ءۇش پايىزعا وسكەن. ديىرمەنشىلەر مەن استىق وڭدەۋشىلەر رەسەيلىك وندىرۋشىلەردىڭ قاپتاپ كەلۋىنە الاڭداۋلى.
"نان 250 تەڭگەدەن قىمبات بولادى. بارلىق كەدەن وداعىنا قاتىسۋشى ەلدەر اراسىنداعى ساۋدا ساياساتىن اجىراتۋدىڭ شەشىلمەگەن ماسەلەلەرى بىزدەگى وسى ونىمدەردىڭ باعاسىندا ۇلكەن الىپساتارلىقتىڭ پايدا بولۋىنا اسەر ەتەدى. سوندىقتان نان باعاسى قىمباتتايتىنىنا تاڭعالماڭىز"، – دەدى ەكونوميست ايمان تۇرسىنقان.
ال استىق وندىرۋشىلەر مەن ديىرمەنشىلەر ۇن باعاسىنىڭ قىمباتتاۋىنىڭ باستى سەبەبى ەكسپورتتا ەكەنىن ايتادى.
"2022 جىلعى شىلدە بويىنشا قازاقستانداعى 2300 ۇن تارتاتىن كاسىپورىننىڭ 174ء-ى عانا قالدى. ولار ءوز قۇنى بويىنشا عانا جۇمىس ىستەيدى، تابىس ەكى پايىزدى عانا..." - دەدى ۇن تارتۋ كاسىپورنىنىڭ ديرەكتورى دوس-مۇقاسان تاۋكەبايەۆ.
ق ر اۋىل شارۋاشىلىعى مينيتسرلىگى رەسەي مەن ۋكرايناداعى جاعدايعا بايلانىستى الەمدە ءبىزدىڭ ۇنعا سۇرانىستىڭ ارتقانىن راستاپ وتىر.
پىكىر قالدىرۋ