الماتىدا ادۆوكات بۇرحان جانسەيتوۆ ۇستالدى. بۇل تۋرالى قارجى مونيتورينگى اگەنتتىگى ءمالىم ەتتى.
"ادۆوكات بۇرحان جانسەيىتوۆ قۇقىق قورعاۋ ورگاندارىنىڭ ۇيىمداسقان قىلمىستىق توپتاردى جويۋعا باعىتتالعان قىزمەتىنە كەدەرگى كەلتىرگەنى ءۇشىن ۇستالدى"، - دەلىنگەن حابارلامادا.
قارجى مونيتورينگى اگەنتتىگى بۇعان دەيىن الماتى قالاسى بويىنشا ەكونوميكالىق تەرگەپ-تەكسەرۋ دەپارتامەنتى جەدەل-ىزدەستىرۋ ءىس-شارالارىن جۇرگىزۋ بارىسىندا بەلگىلى كاسىپكەرلىك قۇرىلىمداردى ۇزاق ۋاقىت بويى رەيدەرلىك باسىپ الۋدى ىسكە اسىرعان ءبىر توپ تۇلعالار ارەكەتىنىڭ جولىن كەسكەنىن حابارلانعان بولاتىن.
"12 شىلدەدە جانسەيىتوۆ كۇدىكتىلەرگە جاسىرىن باقىلاۋ جۇرگىزىلگەنى تۋرالى اقپارات الىپ، قۇقىق قورعاۋ ورگانىنىڭ قىزمەتىنە كەدەرگى جاساۋ ماقساتىندا ارانداتۋدى ماقساتتى تۇردە ۇيىمداستىردى"، - دەپ حابارلادى اگەنتتىكتە.
اگەنتتىك وكىلى ادۆوكاتتىڭ پوليسيا كولىگىن جاۋىپ، الدىڭعى شينانى تەسىپ، پروۆكاسيالىق ارەكەتكە بارعانىن ايتتى. سونداياق جانسەيتوۆ پوليسيا قىزمەتكەرلەرىن بالاعاتتاپ، بوپسالاعان.
پىكىر قالدىرۋ