قازاقستان قارجى نارىعىنداعى "قازاقتەلەكوم" اق اكسيونەرلەرىنىڭ ءتىزىمى جاڭاردى. "SKYLINE INVESTMENT COMPANY S.A." جەكە كومپانياسى 1 شىلدەدەن باستاپ "قازاقتەلەكوم" اق اكسيونەرلەرىنىڭ تىزىمىندە جوق.

ونىڭ ورنىنا قارجى مينيسترلىگى مەملەكەتتىك مۇلىك جانە جەكەشەلەندىرۋ كوميتەتى اكسيونەر اتانعان. ەندى ەلدىڭ باستى تەلەكوممۋنيكاسيالىق كومپانياسىنىڭ اكسيالارىن ءبولۋ تومەندەگىدەي تارتىپپەن جۇزەگە اسپاق:

• "سامۇرىق-قازىنا» ۇلتتىق ءال-اۋقات قورى" اق – 45،90%؛
• "ق ر قم مەملەكەتتىك مۇلىك جانە جەكەشەلەندىرۋ كوميتەتى" مم – 25،42%؛
• The BANK OF NEW YORK Mellon DRS (نومينالدى ۇستاۋشى) – 8،62%.

وسىلايشا، "قازاقتەلەكوم" اق-تىڭ 70 پايىزى مەملەكەت مەنشىگىنە ءوتتى.

ايتا كەتەيىك، ساۋىردە "قازاقتەلەكومنىڭ" 28،8%-ى مەملەكەت قايتارىلاتىنى بەلگىلى بولعان ەدى. بۇل كەزدە قازاقستان ۇكىمەتى سايكەس قاۋلى قابىلداعان. قۇجاتتا قايرات ساتىبالدىنىڭ "Skyline Investment Company S.A" جەكە كومپانياسى "قازاقتەلەكوم" اق شارتتى كاپيتالىنىڭ 24،95%-نا تەڭ 2 671 481 قاراپايىم اكسياسىن سىيعا تارتۋ شارتى بويىنشا رەسپۋبليكا مەنشىگىنە بەرۋ تۋرالى ۇسىنىسى قابىلدانسىن" دەلىنگەن.