ەلدىڭ باسىم بولىگى الداعى ءۇش تاۋلىكتە سولتۇستىك-باتىس جانە وڭتۇستىك سيكلونداردىڭ ىقپالىندا بولىپ، كوپ ايماقتا تۇراقسىز اۋا رايى بايقالادى.
"22 شىلدەدە رەسپۋبليكانىڭ شىعىسىندا قاتتى جاڭبىر، نايزاعاي، بۇرشاق جاۋادى دەپ بولجانىپ وتىر. جەل كۇشەيۋى مۇمكىن. ەلىمىزدىڭ باتىس وڭىرلەرىندە جىلۋدىڭ تومەندەۋى بايقالادى، قازاقستاننىڭ سولتۇستىك جارتىسىندا كۇندىزگى تەمپەراتۋرا +23+28°س شەگىندە بولادى. ەلىمىزدىڭ وڭتۇستىگىندە، وڭتۇستىك-شىعىسىندا جاۋىن-شاشىنسىز ىستىق اۋا رايى ساقتالادى، تەك تاۋلى جانە تاۋ بوكتەرىندەگى اۋدانداردا نايزاعاي كۇتىلەدى. اۋا تەمپەراتۋراسىنىڭ ازداپ تومەندەۋىنە قاراماستان، ول كليماتتىق نورما شەگىندە ساقتالادى" دەلىنگەن قازگيدرومەت حابارلاماسىندا.
پىكىر قالدىرۋ