عىلىم جانە جوعارى ءبىلىم مينيسترلىگى الەۋمەتتىك جەلىلەردەگى تارالعان جوعارى وقۋ ورىندارىنا ارنالعان جەڭىلدەتiلگەن تۇرعىن ءۇي باعدارلاماسى تۋرالى اقپارات جالعان ەكەندىگىن حابارلادى.

19 شىلدە كۇنى الەۋمەتتىك جەلىلەردە https://mongov.kz سايتىنا سىلتەمە جاساي وتىرىپ، جوو قىزمەتكەرلەرى اراسىندا تۇرعىن ۇيگە قاجەتتى ءتىزىم جاساۋ ءۇشىن ساۋالناما تولتىرۋ سۇرالعان حابارلاندىرۋ تاراعان. مينيسترلىك اتالعان سايتتاعى اقپارات الاياقتىق ارەكەت ەكەنىن، ولاردىڭ نەگىزگى ماقساتى – جوعارى وقۋ ورىندارىنىڭ قىزمەتكەرلەرى تۋرالى جەكە دەرەكتەردى جيناۋ ەكەنىن ءمالىم ەتتى.

"عىلىم جانە جوعارى ءبىلىم مينيسترلىگى جالعان اقپارات تاراتۋدان باس تارتۋعا شاقىرادى جانە مينيسترلىكتىڭ باستامالارى تۋرالى حابارلاۋ قاجەت بولعان جاعدايدا ەلەكتروندىق قۇجات اينالىمى جۇيەسىنە ەنگىزىلگەن رەسمي اقپارات ارنالارى پايدالانىلاتىنىن مالىمدەيدى. اتالعان وقيعا بويىنشا اقپارات قۇقىق قورعاۋ ورگاندارىنا بەرىلدى" دەلىنگەن مينيسترلىك مالىمدەمەسىندە.