الماتى قالاسى ءماسليحاتىنىڭ كەزەكتەن تىس XXIII سەسسيا ءوتىپ، ءماسليحات قۇرامىندا وزگەرىستەر بولدى.
سەسسيا بارىسىندا الماتى قالاسى اۋماقتىق سايلاۋ كوميسسياسىنىڭ قاۋلىسى، "AMANAT" پەن "قازاقستان حالىق پارتياسى" پارتيالارى فيليالدارىنىڭ شەشىمدەرى نەگىزىندە جانە بەرىلگەن وتىنىشتەرگە سايكەس 11 دەپۋتاتتى الماستىرۋ (روتاسيا) جۇرگىزىلدى. سونداي-اق پارتيالاردىڭ ءبىرقاتار مۇشەلەرى پارتيادان شىعارىلدى. ولاردىڭ قاتارىندا قاڭتار وقيعاسى تەرگەۋى اياسىندا ءساۋىر ايىندا ۇستالىپ، ءالى كۇنگە دەيىن قاماۋدا وتىرعان بەلگىلى كاسىپكەر قايرات قۇدايبەرگەن دە بار. ول قالالىق ءماسليحات قۇرامىنان ءارى "AMANAT" پارتياسىنان شىعارىلعان.
قايرات قۇدايبەرگەن قاڭتار وقيعاسى كەزىندە 24 ادامدى ۇرلاعان دەپ ايىپتالىپ وتىرعان "ديكيي ارمان" ەسىمىمەن بەلگىلى كريمينال اۆتوريتەت ارمان جۇماگەلدييەۆتىڭ جانىندا جۇرگەن. قازىرگى ۋاقىتتا ەكى ازامات تا تەرگەلىپ جاتىر.
پىكىر قالدىرۋ