قازاقستاندا وقۋ جىلىن ەكى اپتاعا ۇزارتۋ جوسپارلانىپ وتىر. بۇل تۋرالى وقۋ-اعارتۋ مينيسترلىگى مەكتەپكە دەيىنگى جانە ورتا ءبىلىم بەرۋ كوميتەتىنىڭ بۇيرىعىنىڭ جوباسىندا ايتىلعان.

بۇيرىققا ساي، وقۋ جىلىنىڭ ۇزاقتىعى 1-سىنىپتاردا – 35 وقۋ اپتاسىنان (ءقازىر 33 اپتا)، 2-11 (12)-سىنىپتاردا 36 وقۋ اپتاسىنان (ءقازىر 34 اپتا) تۇرادى.

1-11 (12) – سىنىپتاردا: كۇزگى كانيكۋل – 7 كۇندى (2022 جىلعى 31 قازان – 6 قاراشا ارالىعىندا)، قىسقى – 9 كۇن (2022 جىلعى 31 جەلتوقسان مەن 2023 جىلعى 8 قاڭتار ارالىعىندا)، كوكتەمگى – 9 كۇندى (2023 جىلعى 18-26 ناۋرىز ارالىعىندا) قۇرايدى

1-سىنىپتار قوسىمشا 7 كۇن (2023 جىلعى 6-12 اقپان ارالىعىندا) دەمالادى.

مينيسترلىك قوسىمشا ەكى وقۋ اپتاسىن قوسۋ ارقىلى وقۋ جىلىنىڭ ۇزاقتىعىن ۇلعايتۋ ءبىر كۇندەگى ساباقتار سانىن قىسقارتۋعا، بەس كۇندىك وقۋ اپتاسىن ىسكە اسىرۋعا، "كۇردەلى" تاقىرىپتاردى زەردەلەۋ قارقىندىلىعىن تومەندەتۋگە، ءبىلىم بەرۋ پروسەسىن دامىتا وقىتۋ قاعيداتتارىندا ۇيىمداستىرۋعا مۇمكىندىك بەرەدى دەپ سانايدى.

سونداي-اق مينيسترلىك تۇسىندىرمەسىندە، جازعى كەزەڭدە كانيكۋل كۇندەرىنىڭ سانىن قىسقارتۋ وتكەن وقۋ جىلىندا ءبىلىمنىڭ ءبىر بولىگىن جوعالتۋ تاۋەكەلىن، قۇقىق بۇزۋشىلىقتاردى قىسقارتۋ، ءبىلىم الۋشىلاردىڭ شامادان تىس جۇمىس ىستەۋ مەن سىرقاتتانۋشىلىعىن تومەندەتۋدى كوزدەيتىنى ايتىلادى.