شري لانكا پارلامەنتى پرەزيدەنت مىندەتىن اتقارۋشى پرەمەر-مينيستر رانيلا ۆيكرەمەسينگحەنى جاڭا پرەزيدەنت ەتىپ سايلادى. سايلاۋ كەزىندە 73 جاستاعى ۆيكراماسينگحە 134 داۋىسقا يە بولسا، ونىڭ قارسىلاسى، بۇرىنعى ب ا ق ءمينيسترى دۋللا اللاحاپەرۋما 82 داۋىس جينادى.
كەي ساراپشىلار رانيلا ۆيكرەمەسينگحەنىڭ پرەزيدەنتتىككە سايلانۋى حالىق ەرەۋىلىنە اكەلىپ سوعۋى مۇمكىن ەكەنىن ايتادى. ويتكەنى رانيلا بۇرىنعى پرەزيدەنت اكىمشىلىگىنىڭ قۇرامىندا بولعان.
ەسكە سالا كەتسەك، 9 شىلدەدە شري-لانكا حالقى ەل استاناسى كولومبو كوشەلەرىنە شىعىپ، پرەزيدەنت گوتابايا رادجاپاكسانىڭ وتستاۆكاعا كەتۋىن تالاپ ەتىپ، پرەزيدەنت رەزيدەنسياسىن باسىپ العان ەدى. كەيىن پرەزيدەنت رادجاپاكسا ەلدەن قاشۋعا ءماجبۇر بولىپ، 13 شىلدەدە وتستاۆكاعا كەتەتىنىن ءمالىم ەتكەن.
پىكىر قالدىرۋ