اقمولا وبلىسى ارناساي اۋىلىنا جاقىن جەردە سۋعا باتىپ كەتكەن قىزدىڭ دەنەسى تابىلدى، دەپ حابارلادى Sputnik قازاقستان. پورتالى.
قۇتقارۋشىلار باتىپ كەتكەن قىزدى 5 كۇن بويى ىزدەدى. قايعىلى وقيعا ارناساي اۋىلىنا جاقىن جەردە بولعان. مارقۇم سۋ قويماسىندا گيدروسكۋتەرمەن جۇرگەن. جاعادان شالعاي كەتكەندە قۇلاپ، سۋعا باتىپ كەتەدى.
ىزدەستىرۋ شارالارىنا ونداعان قۇتقارۋشى قاتىسقان. ادام ىزدەيتىن يت، موتورلى قايىقتار مەن ارنايى ستاسيونارلىق ەحولوت جەتكىزىلگەن. سۇڭگۋىرلەر ەحولوتتىڭ مالىمەتتەرىنە قاراپ، سۋدىڭ ءتۇبىن زەردەلەگەن. ىزدەۋ جۇمىستارىنا قويماداعى قاتتى جەل مەن سۋدىڭ تۇبىندەگى قالىڭ ءشوپ قيىندىق تۋعىزعان.
بۇقارالىق اقپارات قۇرالدارىندا مارقۇم Atameken Business تەلەارناسىندا جۇمىس ىستەگەنى تۋرالى اقپارات شىقتى.
پىكىر قالدىرۋ