قازاقستاندا مەرەكەلىك كۇندەردىڭ تىزبەسىندە 3 اتاۋلى مەرەكە پايدا بولۋى مۇمكىن. "قازاقستان رەسپۋبليكاسىنداعى مەرەكەلىك كۇندەردىڭ تىزبەسىن بەكىتۋ تۋرالى" قازاقستان رەسپۋبليكاسى ۇكىمەتىنىڭ 2017 جىلعى 31 قازانداعى № 689 قاۋلىسىنا تولىقتىرۋ ەنگىزىلمەك. 

تىزىمگە تومەندەگىدەي كاسىبي مەرەكەلەر قوسىلاتىن بولادى: 

9 قىركۇيەك – قازاقستان كاسىپكەرلەرى كۇنى؛

19 جەلتوقسان – جارناما مامانى كۇنى؛

16 ءساۋىر – تۇرعىن ۇي-كوممۋنالدىق شارۋاشىلىعى سالاسى قىزمەتكەرلەرىنىڭ كۇنى.

"قازاقستان تاۋەلسىزدىگىنىڭ 30 جىلدىعى قارساڭىندا جاڭا مەرەكە بەكىتۋ جونىندەگى باستاما جۇرگىزىلىپ وتىرعان مەملەكەتتىك ساياساتتىڭ باسىمدىقتارى مەن ەلدىڭ وسى سالاداعى نەگىزگى قوعامدىق-ساياسي كۇشتەرىنىڭ شوعىرلانۋىن ايعاقتايتىن بولادى"، دەلىنگەن قۇجاتتا.

تۇرعىن ۇي-كوممۋنالدىق شارۋاشىلىعى سالاسىنىڭ قىزمەتكەرلەرى كۇنى تۋرالى قۇجاتتى قوعامدىق تالقىلاۋ مەرزىمى – 2 تامىزعا دەيىن بولسا، كاسىپكەرلەر مەن جارناما ماماندارىنىڭ كۇنى تۋرالى قۇجاتتى تالقىلاۋ مەرزىمى 8 تامىزعا دەيىن دەپ كورسەتىلگەن.